• usd 468.56

  • eur 497.56

  • rub 7.3

  • cny 67.18

29 ناۋرىز, 10:49:31
الماتى
+35°

05 ناۋرىز, 2018 سەگىز ءورىم

سانسىزباي نۇربابا. ميلليارد «قۇسقان» مىقتىلار

جەمقورلىق بابىمەن ايىپتالىپ, ەسەلەپ قارجى قۇيىپ قۇتىلعاندار سونشاما اقشانى قايدان الادى وسى؟

دامىعان ەل ەكەنىمىزگە ءبىر دالەل وسى بولار دەپ توپشىلايمىز, قازاقستاندا جەمقورلىق بابىمەن تۇتىلعاندار ميللياردتاپ ايىپپۇل تولەپ جاتىر. كۇنى كەشە عانا «؛قازاقستان ينجينيرينگ»؛ باسقارما ءتوراعاسىنىڭ بۇرىنعى ورىنباسارى قانات سۇلتانبەكوۆتىڭ سوت بەلگىلەگەن قوماقتى قارجىنى تولىعىمەن وتەگەنى حابارلاندى. قارجىنىڭ ناقتى كولەمىن ايتساق, ەكى كوزىڭىز اسپانعا شىعادى: 2 ميلليارد 139 ميلليون 500 مىڭ تەڭگە. دەگەنمەن سۇلتانبەكوۆ ميللياردتاپ «؛قۇسقانداردىڭ»؛ الدى ەمەس. سوعان قاراعاندا, سوڭى دا بولمايتىن شىعار.

ومىربايانىنا ۇڭىلسەك, قانات سۇلتانبەكوۆ 1998 جىلى قازاق مەملەكەتتىك ساۋلەت-قۇرىلىس اكادەمياسىن ينجەنەر-قۇرىلىسشى ماماندىعى بويىنشا ءتامامداعان. سودان كەيىن, ستيۆەنسون اتىنداعى تەحنولوگيالىق ينستيتۋتتا جانە  ؛فەرلي ديكەنسون اتىنداعى ۋنيۆەرسيتەتتە ءتالىم الىپ, تەحنيكا عىلىمدارىنىڭ كانديداتى اتانعان. ءتۇرلى قۇرىلىس كومپانيالارىندا باسشىلىق قىزمەتتە بولعان. ونىڭ مەملەكەتتىك قىزمەتكە كەلۋى 2004 جىلدان باستالادى. الدىمەن الماتى قالاسى اكىمىنىڭ  ؛باقىلاۋ-ينسپەكتورلىق ءبولىمىنىڭ مەڭگەرۋشىسى, ەكى جىلدان سوڭ الماتى قالالىق جولاۋشىلار كولىگى مەن اۆتوموبيل جولدارى دەپارتامەنتىنىڭ ديرەكتورى, الماتى قالاسى اكىمىنىڭ ورىنباسارى سىندى لاۋازىمدى قىزمەتتەردىڭ قۇلاعىن ۇستاپ كوردى. الماتىدان استاناعا اۋىسقاندا دا ءمانسابى تومەندەگەن جوق. استاناداعى جولاۋشىلار كولىگى مەن اۆتوموبيل جولدارى باسقارماسىن باسقارعاننان كەيىن استانا اكىمىنىڭ ورىنباسارى قىزمەتىنە تاعايىندالىپ, كەيىن بۇل قىزمەتتى پرەزيدەنتتىڭ جيەن نەمەرەسى ء ؛نۇرالي اليەۆكە بوساتىپ بەرگەنى دە ەستە.

قانات سۇلتانبەكوۆ "قازاقستان ينجيرينگ" باسقارما ءتوراعاسىنىڭ ورىنباسارى قىزمەتىن ەكى جىل اتقارعاننان كەيىن, ياعني, 2017 جىلدىڭ اقپان ايىندا قاماۋعا الىنعان بولاتىن. وعان «؛اسا ءىرى كولەمدە پارا الدى»؛ دەگەن ايىپ تاعىلىپ, 10 جىلعا سوتتالعان. رەسمي دەرەكتەرگە قاراعاندا, ول استانا اكىمىنە ورىنباسار بولىپ جۇرگەندە 178 ميلليون تەڭگە, «؛قازاقستان ينجينيرينگكە»؛ كەلگەن سوڭ 286 ميلليون تەڭگە پارا العان. الايدا اپپەلياسيالىق سوت قانات سۇلتانبەكوۆتىڭ «؛ادامگەرشىلىك مىنەزدەمەسى»؛ مەن «؛وتباسىلىق جاعدايىن»؛ جانە وزگە قاسيەتتەرىن ەسكەرە وتىرىپ, وعان 2 ؛ميلليارد 139 ميلليون 500 مىڭ تەڭگە تولەۋدى مىندەتتەگەن ەدى. مىنە, ءبىر جىل شاماسىندا سۇلتانبەكوۆ سول قارىزىن وتەپ, قاپاستان بوسادى.

مەملەكەت قورجىنىنا ميللياردتاپ قارجى قۇيىپ, جازادان سىتىلىپ شىققان تاعى ءبىر مىقتىڭىز &ndash؛ تابيعي مونوپوليالاردى رەتتەۋ اگەنتتىگىنىڭ بۇرىنعى ءتوراعاسى مۇرات وسپانوۆ. ەستەرىڭىزدە بولسا, ول 2014 جىلدىڭ جازىندا 300 مىڭ دوللار پارا الدى كۇدىكپەن ۇستالعان. سوت پروسەسى كەزىندە مەملەكەتتىك ايىپتاۋشى مۇرات وسپانوۆتى «؛كوررۋپسيالىق قىلمىس جاسادى»؛ دەپ تانىپ, 11 جىلعا سوتتاۋدى سۇراعان ؛بولاتىن. جانى مۇرنىنىڭ ۇشىنا كەلگەندە مۇرات وسپانوۆ قاراپ قالعان جوق. نۇرسۇلتان نازارباەۆقا حات جازىپ, كەشىرىم سۇراپ, «؛پرەزيدەنت ارتقان سەنىمدى اقتاماعانىنا»؛ قاتتى وكىنەتىنىن اشىق ءبىلدىردى.

مۇنىڭ اسەرى بولعان-بولماعانىن كىم ءبىلسىن, ايتەۋىر سوت ونى قولحاتپەن بوساتىپ,  ؛1 ميلليارد 101 ميلليون 60 مىڭ تەڭگەنى موينىنا ىلگەن. بۇرىنعى ءتوراعا قىرۋار قارجىنى سوقىر تيىنىنا دەيىن قالدىرماي, تولەپ بەردى.

جەمقورلىقپەن ايىپتالىپ, مەملەكەتكە ميللياردتاپ قارجى قۇيعانداردىڭ قاتارىندا بۇرىنعى ۇكىمەت باسشىسى سەرىك احمەتوۆ تە بار. ەكس-پرەمەر 2015 جىلدىڭ سوڭىندا «؛بوتەننىڭ مۇلكىن يەلەنۋ جانە ىسىراپ ەتۋ»؛, «؛زاڭسىز كاسىپكەرلىكپەن اينالىسۋ»؛, «؛وكىلەتىن اسىرا پايدالانۋ»؛ باپتارى بويىنشا سوتتالعان-دى. اۋەلگىدە وعان وعان 10 جىل بەرىلگەن. كەيىن اپپەلياسيالىق سوت 2 ميلليارد 255 ميلليون تەڭگە زالالدى تولىق وتەگەنىن, «؛ادال نيەتىمەن وكىنەتىنىن»؛ ەسكەرىپ, جازاسىن 8 جىلعا تومەندەتتى. تاۋەلسىزدىكتىڭ 25 جىلدىعىنا بايلانىستى جاريالانعان راقىمشىلىق سەرىك احمەتوۆتىڭ جازاسىن تاعى 1 جىل 7 ايعا قىسقارتتى. سوڭعى سوت شەشىمى قالعان 4 جىلدى بوستاندىعىن شەكتەۋ جازاسىمەن اۋىستىردى. مىنە, وسىلايشا ەكس-پرەمەر تۇرمەدە ەكى جىلعا جەتەر-جەتپەس ۋاقىت قانا وتىرىپ, ەركىندىككە شىقتى.

ايتا كەتۋىمىز كەرەك, سەرىك احمەتوۆتى جۇرت كلانارالىق تارتىستا تاقىمعا ءتۇسىپ كەتكەن سەركەگە بالايدى. وزگەلەرمەن سالىستىرعاندا, ونىڭ ءون-بويىنان جەۋگە, قىلعىتا جۇتۋعا دەگەن پيعىلدىڭ اڭدالا بەرمەيتىنى دە راس. كىم بىلەدى, باقتالاستارى ارانداتسا, ارانداتقان دا شىعار. اينالاسى بىلىعىپ جاتقاندا نيەتى بۇزىلىپ, «؛اساپ جىبەرۋى»؛ دە مۇمكىن. ءبىراق ءبىزدىڭ ايتپاعىمىز بۇل ەمەس. مۇلدە باسقا ماسەلە.

جەمقورلىق بابىمەن ايىپتالىپ, ەسەلەپ قارجى قۇيىپ قۇتىلعاندار سونشاما اقشانى قايدان الادى وسى؟ ماسەلەن قانات سۇلتانبەكوۆتىڭ قازىناعا اۋدارعان اقشاسى &ndash؛ 2 ميلليارد 139 ميلليون 500 مىڭ تەڭگە. قاراپايىم حالىقتىڭ ءوڭى تۇگىلى تۇسىنە دە كىرمەيتىن قارجى عوي بۇل! سەبەبى مۇنداي قوماقتى اقشاعا الماتى مەن استانا سەكىلدى قىمبات قالالاردان 160 پاتەر ساتىپ الۋعا بولادى ەكەن. دوللارعا شاقساڭىز, 6 ميلليون 660 مىڭ دوللار شىعا كەلەدى. ءارى ءسىز قانات سۇلتانبەكوۆتىڭ اكىم نەمەسە ءتوراعا ەمەس, ىلعي ورىنباسار بولىپ كەلە جاتقانىن ەسكەرىڭىز. سوندا تالاي جىل اكىم, زامان جىلدان بەرى مينيستر قىزمەتىندە جۇرگەندەردىڭ «؛الدەقانداي كۇن تۋسا»؛ دەپ ساقتاعان قانشا ميللياردى بار؟

يا, ميللياردتاپ «؛قۇسۋدى»؛ باستاپ بەرگەن مۇرات وسپانوۆتىڭ بىردەن لاق ەتكىزبەگەنىن بىلەمىز. ول اي سايىن «؛لوقسىپ»؛, ءار «؛لوقسىعان»؛ سايىن ميلليونداپ لاقتىرىپ وتىردى. ايتالىق مامىردا 358 ميلليون, ماۋسىمدا 75 ميلليون... دەگەنمەن مۇنىڭ ءوزى سۇراپىل اقشا ەمەس پە؟ ونى مۇرات وسپانوۆ قايدان العان؟

سەرىك احمەتوۆتىڭ «؛جەلكەسىنەن شىققان»؛ 2 ميلليارد 255 ميلليون تەڭگەنى جيىستىرۋعا «؛تۋىستارى مەن دوستارى»؛ جاردەمدەسكەنگە ۇقسايدى. دۇرىس. ازاماتتىڭ باسىنا كۇن تۋعاندا, اعايىنشىلىق جاساۋ پارىز. ءبىراق سول تۋعان-تۋىس, دوس-جاران كىمدە جوق؟ ەلىمىزدە باسپاناسىن كەپىلگە قويىپ, كەيىن قارىزىن جابا الماي دالادا قالعاندار از با؟ ولاردىڭ دوستارى مەن جاناشىرلارى جوق دەپ كىم ايتا الادى؟

قىسقاسى, شەندى-شەكپەندىلەردىڭ «؛ميللياردتاپ قۇسۋ»؛ ادەتى &ndash؛ بيلىك پەن حالىقتىڭ الەۋمەتتىك دەڭگەيى تىم الشاقتاپ كەتكەنىن ايگىلەيتىن ءبىر بەلگى. بۇل بەلگىنى كىم قالاي تۇسىنەدى, كىم قالاي ۇعىنادى؟ ماسەلە وسىندا بولسا كەرەك. ءبىر انىق دۇنيە, زامان وزگەرگەندە مۇنداي وقيعالار مۇلدە باسقاشا تاپسىرلەنەدى. سول كەزدە ميللياردتاپ «؛قۇسقاندارعا»؛ عانا ەمەس, ولارعا ميىعىنان قاراپ كۇلگەندەرگە دە, قانشا جۇتسا دا, تۇك بولماعانداي امان-ەسەن جۇرگەندەرگە دە, بارى-بارىنە حالىق تاراپىنان شىنايى باعا بەرىلەتىن بولادى. وعان كۇمانىڭىز بولماسىن.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر