ورىنباسارى ۇستالعان بوزىمباەۆ ورنىن بوساتا ما؟

باياعىدا ميلليونداپ جەگەندەردى ەستۋشى ەدىك, ءقازىر ميللياردتى «؛اپ»؛ دەپ اساي سالاتىندارعا ەتىمىز ۇيرەندى. تاماعىمىزعا تۇرىپ قالادى-اۋ دەيتىن بىرەۋى بولساشى. قانشاسىن قامادى &ndash؛ تىيىلاتىن ءتۇرى جوق: ءبىر باسىن كەسسەڭ, ەكىنشىسى ءوسىپ شىعاتىن ەرتەگىلىك ايداھارداي اۋزىنا تۇسكەندى جالماپ جاتىر. ەرتەگى دەمەسكە لاج بار ما, نەبىر قيال-عاجايىپقا كۋامىز.

اڭگىمەنى ارىدەن باستايىق. بىرەر كۇن بۇرىن سىبايلاس جەمقورلىققا قارسى ءىس-قيمىل ۇلتتىق بيۋروسى ەنەرگەتيكا ۆيسە-مينيسترى عاني سادىبەكوۆتى تۇتقىندادى. تەرگەۋ مالىمەتىنە سۇيەنسەك, سادىبەكوۆ «؛ايماق»؛ مەردىگەر ۇيىمىنىڭ باسشىسى د. دۋانبەكپەن استىرتىن ءسوز بايلاسىپ, ششۋچينسك-بۋراباي شيپاجايى ايماعىنداعى كولدى تازالاۋعا بولىنگەن مەملەكەت قارجىسىن جىمقىرعان. قولدى بولعان 1 ميلليارد تەڭگە ءتىنتۋ كەزىندە تاركىلەندى.

باعىنىشتى ورىنباسارى وسىلاي ۇستالىپ جاتقاندا باستىعى نە ىستەۋ كەرەك ەدى؟ ەگەر ازاماتتىق ۇستانىمى ايقىن, مەملەكەتشىل تۇلعا بولسا, كىسى بەتىنە قاراي الماي, كىرەرگە تەسىك تابا الماي قالۋى كەرەك ەدى. ونداي ۇياتى كۇشتى ادامدار كۇندىز كۇلكىدەن, تۇندە ۇيقىدان ايرىلار ەدى. كىناسىزدىگىنە ەشكىم كۇمان كەلتىرمەسە دە, ءوز ەركىمەن دەرەۋ وتستاۆكاعا كەتەر ەدى. ويتكەنى قولاستىنداعى قىزمەتكەرىنىڭ جەمقورلىق ايىبىمەن تۇتقىندالۋى &ndash؛ بەتكە سالىق, سۇيەككە تاڭبا, جۋساڭ كەتپەيتىن قارا داق. مانسابىنان باس تارتۋعا سونىڭ ءوزى جەتكىلىكتى.

ال ەنەرگەتيكا ءمينيسترى قانات بوزىمباەۆتان وندايدى بايقامادىق. ورىنباسارىنىڭ ءىستى بولعانىندا ءىسى جوق پا, الدە ۇيىندە قارا جامىلىپ قايعىرىپ وتىر ما, ايتەۋىر ءمىز باققان ءمينيستردى كورمەدىك. جالپى بوزىمباەۆ پەن سادىبەكوۆ دۋەتىنىڭ ساياسي ساحنادا جۇرگەنىنە سەگىز جىلدان اسىپتى. ونى دالەلدەپ ارامتەر بولعانشا الەۋمەتتىك جەلىنى كەزىپ كەتكەن مىنا سۋرەتكە نازار اۋدارايىق.

قانات بوزىمباەۆ 2009 جىلدىڭ 30 قاراشاسىنان 2013 جىلدىڭ 20 جەلتوقسانىنا دەيىن جامبىل وبلىسىنىڭ اكىمى لاۋازىمىن اتقاردى. ال عاني سادىبەكوۆ 2009 جىلدىڭ جەلتوقسانىنان 2013 جىلدىڭ جەلتوقسانىنا دەيىن جامبىل وبلىسى اكىمى اپپاراتىنىڭ جەتەكشىسى, اكىمنىڭ ورىنباسارى بولدى. بوزىمباەۆ 2013 &ndash؛ 2016 جىلدارى پاۆلودار وبلىسىن باسقارعاندا سادىبەكوۆتى وزىنە ورىنباسار ەتىپ تاعايىندادى. 2016 جىلى 25 ناۋرىزدا بوزىمباەۆ ەنەرگەتيكا ءمينيسترى قىزمەتىنە كىرىسسە, 2016 جىلى 3 مامىردا سادىبەكوۆ ورىنباسار بولىپ شىعا كەلدى.

بۇل كەزدەيسوقتىق پا؟ ءبىزدىڭ ويىمىزشا, استە ولاي ەمەس. ەكەۋىنىڭ ىلىك-شاتىستىعى كوزگە بادىرايىپ-اق تۇر. سەگىز جىلدا ابدەن سىرالعى بولعانى انىق. سىبايلاس جەمقورلىققا قارسى ءىس-قيمىل ۇلتتىق بيۋروسىنا مىناۋ &ndash؛ تەگىن «؛پودسكازكا»؛.

بيلىكتىڭ قاي بۇتاعىنا بۇت ارتسا دا, ارتىنا مىنگەستىرىپ الاتىن سادىبەكوۆتىڭ نە كەرەمەتى بار؟ جامبىل وبلىسىن ايتپاي-اق قويايىق, كۇللى كەرەكۋ وڭىرىندە, مۇقىم ەنەرگەتيكا مينيسترلىگىندە سادىبەكوۆتەن باسقا ىسكە ىلىنەتىن ەشكىم تابىلماعانى ما؟

جارايدى, جۇمىسىنا كوڭىلى تولسا, سوڭىنان سۇيرەپ جۇرە بەرسىن. اركىم ءوز لاعىن تەكە قوياتىن زامان. ءبىراق سەنىمدى سەرىگىنىڭ جاي-جاپسارىن بوزىمباەۆ مۇلدە بىلمەۋى مۇمكىن ەمەس. سەگىز جىل دەگەن &ndash؛ ادامدى جاتتاپ الاتىنداي مەرزىم. مەيلى, بىلمەيدى دەلىك. سوندا ءوز مەكەمەسىندەگى بىلىق-شىلىقتان بەيحابار بۇل قانداي مينيستر؟ تاناۋىنىڭ استىندا نە بولىپ جاتقانىن كورمەيتىن باسشىنى ءبىر كۇن دە ونداي لاۋازىمدا ۇستاماعان جون.

نەگىزى بىزدە ءبىرىنشى باسشىنىڭ باسىن قورعاپ, بار كىنانى ورىنباساردىڭ موينىنا ءىلىپ جىبەرەتىن ءۇردىس قالىپتاسقان. جەمقورلىق ايىبىمەن باستىقتار ەمەس, ورىنباسارلار ءجيى سوتتالاتىنى دا سوندىقتان. بىرەۋدى جازالاۋ كەرەك بولسا, ۇساق شەنەۋنىكتەر شىرىلداپ كەتە بارادى. بۇل &ndash؛ جالپى ساياسي جۇيەدەگى احۋال.

ال بوزىمباەۆتىڭ جاعدايىندا نەگە بۇلاي بولدى دەپ بال اشىپ, باس قاتىرمايمىز. جەلىدەگى جەلاۋىزدار نەشە ءتۇرلىنى قوپسىتىپ جاتىر. ءبىز كورگەنىمىزدى عانا ايتامىز. كورگەنىمىز &ndash؛ كەيىنگى كەزدەرى بۇل كىسىگە دە ورىنباسار قۇتايماي قويدى. بىلتىر كۇزدە ەلىمىزدەگى جانار-جاعارماي تاپشىلىعىنا بايلانىستى قانات بوزىمباەۆقا سوگىس جاريالانىپ, ونىڭ ورىنباسارى اسەت ماعاۋوۆ قىزمەتىنەن بوساتىلعان. مەملەكەت باسشىسى بوزىمباەۆپەن كەزدەسۋ بارىسىندا: «؛تەز ارادا ءتورتىنشى زاۋىت سالۋ قاجەتتىگىن ايتقان كەزدە, سىزدەر ونىڭ قاجەت ەمەستىگىن, بىزدە جانار-جاعارماي جەتكىلىكتى بولىپ, قايدا جىبەرەرىمىزدى بىلمەي قالاتىنىمىزدى ايتىپ, دالەلدەدىڭىزدەر. ۇكىمەتتىڭ ۇسىنىسىمەن مەن سىزگە سوگىس جاريالادىم. بۇل دەگەن &ndash؛ قىزمەتتەن بوساتۋمەن بىردەي شارا»؛, &ndash؛ دەدى. سوندا بوزىمباەۆ ويلانسا كەرەك ەدى. ول ورايلى ءساتتى وزىنشە پايدالانىپ قالدى. «؛مەنىڭ تاعدىرىم پرەزيدەنتتىڭ قولىندا»؛, &ndash؛ دەپ ەلباسىعا ادال بەرىلگەنىن كورسەتىپ باقتى. ءويتىپ مايموڭكەلەمەي, ازاماتتىق تانىتىپ وتستاۆكا سۇراسا, ءبىز بىلەتىن پرەزيدەنت بەتىن قايتارماس ەدى.

ەنەرگەتيكا ءمينيسترى ساراي ينتريگاسىمەن اينالىسقانشا نەگە حالىقتىڭ ماسەلەسىن شەشۋگە باس قاتىرمايدى دەپ قىنجىلاسىڭ وسىندايدا. كۇزدە جانار-جاعارماي تاپشىلىعىنا جول بەرگەن كىم؟ بوزىمباەۆ. قىستىڭ قاق ورتاسىندا كومىر تاپشىلىعىنا جول بەرگەن كىم؟ بوزىمباەۆ. وسىعان تىكەلەي جاۋاپتى بولعان سوڭ كىناسىن مويىنداسا جاقسى عوي. جوق, ول بىرەسە «؛كومىر تاپشى دەگەن &ndash؛ جالعان ءسوز»؛ دەپ حالىقتى وتىرىكشى قىلدى, بىرەسە جەرگىلىكتى اكىمدىكتەردى ايىپتادى. ايتەۋىر وزىنە شاڭ جۋىتپاي قويدى. قازاقستان &ndash؛ الەمدە جان باسىنا شاققاندا كومىردى ەڭ كوپ وندىرەتىن ەل. بوزىمباەۆ ەنەرگەتيكا ءمينيسترى رەتىندە جوقتان بار جاساۋدىڭ ورنىنا, باردىڭ ءوزىن ۇقساتا المادى. ەندىگىسى مىناۋ. قايدا بارسا دا قاسىنان تاستامايتىن جانتورسىعى جەمقورلىق ايىبىمەن تۇتىلىپ جاتىر.

ايتپاقشى, جاقىندا پرەزيدەنت قانات بوزىمباەۆقا جاريالاعان سوگىستى الىپ تاستادى. ارادا ءۇش كۇن وتپەي جاتىپ ورىنباسارى تۇتقىندالدى. جەلدىڭ قاي جاقتان سوعىپ تۇرعانىن ءىشىڭىز سەزگەن شىعار. بۇدان كەيىن بوزىمباەۆ قىزمەتىنەن كەتە مە دەپ سۇراۋدىڭ ءوزى قيسىنسىزداۋ سياقتى. ەرتەگى دەمەي كور ەندى.