• usd 468.56

  • eur 497.56

  • rub 7.3

  • cny 67.18

29 ناۋرىز, 11:20:02
الماتى
+35°

01 ناۋرىز, 2018 سەگىز ءورىم

باس قالانىڭ بايىرعى تۇرعىندارى دا باسپاناعا جارىماي وتىر

استانادا كىرپىشتەرى ۇگىتىلىپ, قاۋقيعان قابىرعاسى قاقىراعان اپاتتى جاعدايداعى 228 ءۇي بار

قازاق ءۇشىن زامان زارى &ndash؛ باسپانا. قاراپايىم بۇقارانىڭ: «؛ايلىعىم شايلىعىما جەتپەيدى»؛ دەگەن جاتتاندى ءسوزى &ndash؛ پاتەراقىعا «؛جىلاپ كەتكەن»؛ اقشاسىنان قالعان جارىتىمسىز تيىن-تەبەنىن تىلگە تيەك ەتكەندەگى ءتۇرى. ءبىزدىڭ مايموڭكەشىل ارىپتەستەردىڭ «؛مەملەكەت تاراپىنان اناعان اناداي كومەك كورسەتىلىپ, مىناعان مىناداي جاعداي جاسالدى»؛ دەگەن سارىنداعى ساندىراعى ىزالى جۇرتتىڭ ساناسىن سانسىراتىپ تاستادى.

شىنداپ كەلگەندە, الەۋمەتتىك جاعداي جاساۋ دەگەنىمىز &ndash؛ جاستار مەن جاسامىستارعا قولجەتىمدى پاتەر بەرۋ. ءبىتتى. ال الگىندەي «؛زەيناقىنى كوتەردى, مۇگەدەككە اربا سىيلادى, ايلىققا شايلىق قوستى»؛ شەرۋىندەگى «؛جاناشىرلىقتار»؛ &ndash؛ قاڭعىباستىڭ يىعىنا ءبۇتىن شاپان جاپقانداي عانا اسەرى بار الدامشى ارەكەت. زەينەتاقى مەن جالاقىعا قوسىلعان بالەن تەڭگەنى كۇرت كوتەرىلىپ كەتە قوياتىن سۋ, جىلۋ, جارىق, قوقىس, گاز, تەلەفون, ينتەرنەت جانە تۇتىنار تاۋاردىڭ تۇگەن باعاسى ارقىلى سىپىرىپ الاتىنى بەسەنەدەن بەلگىلى. ءبىراق, باسىندا باسپاناسى بار ادامعا باسقا تۇرمىستىق تاۋقىمەت تۇك تە ەمەس. جەمقور باسشىلارىنىڭ جەمساۋىنان ارتىلعان ادال ءناپاقاسى جۇمىرىنا جۇق بولا الادى. ال شىن مۇقتاج جانداردى باسپانامەن قامتاماسىز ەتۋ باس قالادان باستالسىن دەسەك, مىنا ماسەلە تاعى باس قىلتيتادى:

استانادا كىرپىشتەرى ۇگىتىلىپ, قاۋقيعان قابىرعاسى قاقىراعان اپاتتى جاعدايداعى 228 ءۇي بار. وتكەن عاسىردىڭ 50-جىلدارى قۇرىلىسشىلارعا ارناپ ۋاقىتشا سالىنسا دا, سول جاربيعان جۇتاڭ قالپىندا ءالى تۇر (كەيبىرەۋى بىلتىر عانا سۇرىلە باستادى). جارىعى ءجيى ءسونىپ, سۋى ءوشىپ, بايىرعى تۇرعىنداردى ابدەن ابىگەر ەتۋدە. قىستا كارىز جەلىلەرى قاتىپ قالا بەرەتىندىكتەن, جارىتىپ تۇرعان جىلۋى دا جوق. مۇنداي كوممۋنالدىق ماسەلەسى ءوز الدىنا, «؛تاريحي باسپانالار»؛ ەندى ەلەۋسىز جاعدايعا شىداماي, تۇتاستاي ومىرىلىپ تىنادى-اۋ!..

تۇرعىنداردىڭ وزدەرىنشە جوندەۋ جۇمىستارىن جاساپ قويعاندارى ەش پايدا بەرمەي كەلەدى. ويتكەنى, ول ۇيلەر قايتا قالپىنا كەلتىرۋگە مۇلدە جارامسىز. جەرگىلىكتى باسشىلاردىڭ «؛تۇگەلدەي ءسۇرىپ تاستاپ, ورنىنا جاڭادان سالىنىپ جاتقان ۇيلەردەن بەرەمىز»؛ دەگەندەرىنە 20 جىلعا جۋىقتادى. ال ونداعى وتباسىلاردى باسپانامەن قامتاماسىز ەتۋ ءۇشىن قالالىق بيۋدجەتتەن شامامەن 40 ميلليارد تەڭگە قاراجات شىعادى ەكەن. اكىمدىك ۋاجىنە سەنسەك, ءازىر ونداي «؛باتپان قۇيرىق»؛ بولماي جاتقان كورىنەدى. ءسويتىپ, «؛تايبۋرىلدىڭ شاپقانداعى تۇياعىنىڭ ورنى وشاقتاي بولىپ ومىرىلىپ قالادى»؛ دەگەن ەرتەگىگە سەنگەن شاقشاداي باسىمىزدىڭ مىنا جاڭا زاماننىڭ جاڭا ەرتەگىسىن اڭكى-تاڭكى قابىلداپ, شاراداي بولىپ وتىرعان جايى بار.

تەلەارنادان ءتاۋىر كورىنەتىن جەرلەرىنە قاراپ, بىلايعى بۇقارا «؛الەمگە ايگىلى ەلوردامىز شىنىمەن ەڭسەلى ەكەن عوي»؛ دەپ ويلايدى. سول جاعالاۋ سولاي سياقتى بولعانمەن, وڭ جاعالاۋدىڭ وڭىپ تۇرعانى شامالى. قالانىڭ ەڭكىش تارتقان بولىگى ەلۋ پايىزدى قۇرايدى دەگەنىڭە كوگىلدىر ەكران ازىرگە سەندىرە قويماس. بالعىمبەك يماشەۆتىڭ كەزەكتى ءبىر ايتىستا ايتقانىنداي, «؛بايلار ءۇشىن سالىنسا لەۆىي بەرەگ, كوپ بالالى قازاققا جەر ءۇي كەرەك»؛. ال مىجىرايعان قوس قاباتتى ۇيلەر مەن ىشكى قابىرعاسى جۇنتىكتەلىپ, كوگەرىپ كەتكەن جەر ۇيدەگىلەرىنە ءبىر بولمەلى بولسا دا ءبىر-بىر جاڭا پاتەر قاجەت. ەندى ءسال شىداسا, ول دا بولىپ قالۋى ىقتيمال ەكەن. قالا بيلىگى بيىل استانادا كوپپاتەرلى 150 ەسكى ءۇيدىڭ بۇزىلاتىنىن ۋادە ەتىپ وتىر. ونىڭ ورنىنا 600 مىڭ شارشى مەتر جاڭا ۇيلەر سالۋ جوسپارلانعان كورىنەدى. بۇل تۋرالى جەرگىلىكتى ءماسليحاتتىڭ التىنشى شاقىرىلىمى سەسسياسىندا ەلوردا اكىمى اسەت يسەشەكەۆتىڭ ءوزى ايتتى.

ەسكە سالا كەتسەك, ەلباسىنىڭ ەلىمىزدەگى شاعىن قالالاردى دامىتۋعا باسا نازار اۋدارۋ كەرەكتىگىن ايتىپ, ۇكىمەتكە ولاردى دامىتۋ باعدارلاماسىن جاساۋدى تاپسىرعانى ايان. قازاقستاندا ءقازىر 87 شاعىن قالا بار. ولاردىڭ ء41-ى اۋدانداردىڭ اكىمشىلىك ورتالىعى ساناتىندا. قالعان 46-سى عانا اۋدان ورتالىقتارىنا جاتپايدى. بۇلاردىڭ ىشىندەگى وندىرىسپەن اينالىساتىنى &ndash؛ 14 قالا. ال 19 شاعىن قالا &ndash؛ اۋىل شارۋاشىلىعى ونىمدەرىن قايتا وڭدەيتىندەر. ەلەكتر قۋاتىن وندىرەتىن 2, عىلىمي-تاجىريبەلىك ورتالىق سانالاتىن 3, سونداي-اق, ەمدەۋ-ساۋىقتىرۋ ورتالىقتارى قىزمەتىن اتقاراتىن 3 قالا بار. الداعى ۋاقىتتا بۇل قالالاردىڭ كوممۋنالدىق سالالارىن دامىتۋعا مەملەكەت قازىناسىنان 6 ميلليارد تەڭگە بولىنبەك.

p.s. سالىستىرمالى تۇردە قاراساق, استانا ورتالىعىنداعى 228 جامان ۇيدە تۇراتىندارعا جاڭا باسپانا بەرۋ ءۇشىن تەك قالا قازىناسىنىڭ وزىنەن 40 ميلليارد (!) تەڭگەدەي قارجى قاجەت بولسا, ەلىمىزدەگى 87 شاعىن قالاعا بىلدەي ءبىر مەملەكەتتىڭ بيۋدجەتىنەن 6-اق ميلليارد تەڭگە اۋدارىلماق! نەگە دەسەڭىز, بۇل &ndash؛ ءبىرىنشى كەزەكتە باسپانا ماسەلەسى شەشىلگەن حالىقتىڭ جوعارى جاقتاعى دورباعا قاراپ اۋىز اشپايتىنىنىڭ دالەلى. ويتكەنى, كەشە «؛وكىمەت ولتىرمەيدى»؛ دەيتۇعىن قازاققا بۇگىنگى وكىمەتىڭ ء«؛وز كۇنىڭدى ءوزىڭ كور»؛ دەپ وتىر. ال ءوز ەركىمەن سۇيەك-ساياق ىزدەپ كەتەتىن يتكە دە ءبىر كۇركە كەرەك قوي, ادام تۇگىل!..

 ؛

ەركەعالي بولاتۇلى

erkegali bolatuly

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر