الاشوردانىڭ 100 جىلدىعىنا ارنالعان «تار زامان» تەلەحيكاياسى 22 اقپاننان باستاپ كينوتەاترلاردا

الاشوردانىڭ 100 جىلدىعىنا ارنالعان «؛تار زامان»؛ تەلەحيكاياسى 22 اقپاننان باستاپ ەلىمىزدىڭ بارلىق كينوتەاترلارىندا كورسەتىلەدى, دەپ جازادى qamshy.kz ءتىلشىسى. تەلەحيكايا قازاقستان رترك تاپسىرىسىمەن تۇسىرىلگەن. ساۋندترەگىن جازعان ۇشقىن جامالبەك.

رۋلىق قوعامنان ۇلتتىق مەملەكەت قۇرامىز دەپ, ءوز ۋاقىتىنان وزا شاپقان تۇلعالارعا ارنالادى.
وقيعا جەلىسى الاشوردا ۇكىمەتىن قۇرۋ جولىنداعى ورتاق مۇراتقا توپتاسقان الاش زيالىلارىنىڭ ومىرىنەن قۇرىلادى. باستى كەيىپكەردىڭ ءبىرى ءاليحان بوكەيحانوۆتىڭ تارتىسقا تولى درامالىق كەزەڭى سۋرەتتەلەدى. ونىڭ ەل ءۇشىن كۇرەسكەن ەڭبەگى, اينالاسىنا توپتالعان تاريحقا بەلگىلى تۇلعالارمەن بايلانىسى, كوزقاراسى مەن ۇستانىمى, ماحابباتى مەن تاعدىرى كوركەمدىك شەشىمدەرمەن ورىلەدى.
الاشوردا ۇكىمەتىن قۇرۋ جولىندا كۇرەسكەن مۇستافا شوقاي, احمەت بايتۇرسىنۇلى, ءمىرجاقىپ دۋلاتوۆ, سماعۇل سادۋاقاسوۆ سىندى تۇلعالاردىڭ دا كوركەم وبرازدارى كورىنىس تابادى.

الاشوردا ۇكىمەتىن قۇرۋ بارىسىنداعى تارتىستى پىكىرلەر مەن ەكى توپقا بولىنگەن الاش زيالىلارى اراسىنداعى ساياسي قارىم-قاتىناس, ساتقىندىق, مۇدەللەر قاقتىعىسى دا كورسەتىلەدى. ومبى مەن سەمەيدەگى وقيعالار, الاش اسكەرىنىڭ قۇرىلۋى, ءستاليننىڭ ءاليحاندى ماسكەۋگە الدىرۋى, اباقتىداعى تەرگەۋ ىستەرى قامتىلادى.
قازاق دالاسىنىڭ اقپان توڭكەرىسىن قالاي قابىلداپ, قازان توڭكەرىسىنەن كەيىن نەگە ەكىگە بولىنگەنى نەگىزگى وقيعاعا ارقاۋ بولدى. ءاليحاننىڭ الاش جۇرتى ۇستانۋعا ءتيىستى بەس ۇستانىمى توڭىرەگىندەگى امانات ويلارىمەن تۇيىندەلەدى.