20 Ақпан, 2019 Оқиғалар
Құптан намазын дұрыс оқымаған баласын ұрып өлтірген өгей әкеге үкім шықты
Сотталушы жазаны қауіпсіздігі орташа мекемеде өтейді.
Шымкент қаласы Еңбекші аудандық соты "өгей баласын ұрып өлтірді" деген айып тағылған Ерболат Жолдасовты кінәлі деп тауып, 8 жыл бас бостандығынан айыруды үкім етті деп жазады Qamshy.kz ақпарат агенттігі Азаттықтың дерегін негізге алып.
"1996 жылы туған Ерболат Жолдасов Қылмыстық кодекстің 106-бабымен айыпты деп танылып, оған 8 жыл бас бостандығынан айыру жазасы тағайындалды. Сотталушы тағылған айыпты толық мойындап, жасаған қылмысына өкінетінін айтқан" деді соттың баспасөз хатшысы Қабыл Дүйсенби.
♦Шымкентте "азанды дұрыс шақырмадың", - деп 5 жастағы баланы ұрып өлтірген (фото)
Соттың хабарлауынша, Жолдасов былтыр 5 желтоқсанда Қарабастау ауылындағы жеке үйінде 5 жасар өгей ұлын "құптан намазын" дұрыс оқымағаны үшін ұрып, денсаулығына абайсызда ауыр зиян келтірген. Алған дене жарақатынан бала 6 желтоқсанда ауруxанада қайтыс болған.
Сотталушы жазаны қауіпсіздігі орташа мекемеде өтейді.
Ұсынған: Әсел Болатқызы
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір