Қазақстандықтар 11 айда шетелге $7 млрд аударған

Ұлттық банктің мәліметі бойынша, 2018 жылдың 11 айында жеке тұлғалар шетелдерге 7 миллиардтай доллар аударған. Ал келіп түсетіні 2 миллиардқа да жетпейді. Бұл туралы Qamshy.kz ақпарат агенттігі Астана арнасының жаңалықтарына сілтеме жасап хабарлайды.

Сыртқа жіберілетін ақша негізінен елімізде жұмыс істеп жүрген еңбек мигранттарының аударымдары. Капиталдың көп бөлігі дәлірек айтсақ, 61,3 проценті Ресейге, Түркия, АҚШ, Өзбекстан, Швейцария және Қытайға жіберіледі.

Егер, Швейцарияға ақша жіберушілердің 80 проценті өздерінің есеп-шоттарына аударса, Өзбекстанға керісінше, қайтарымсыз төлемдер жасалады.  

"Қазір Қазақстанда 2 миллионнан астам еңбек мигранттары жұмыс істейді. Олардың бір миллионы бұл елде заңды түрде еңбек етіп жатса, тағы бір миллионы мұнда заңсыз жұмыс істейді", - деді мигранттар мәселесі бойынша халықаралық ұйымның үйлестірушісі Деян Кесерович.  .