• USD 468.56

  • EUR 497.56

  • RUB 7.3

  • CNY 67.18

28 Наурыз, 18:59:55
Алматы
+35°

29 Қараша, 2018 Ғылым-білім

Болашақ «назарбаевтанушыларға» арналады

Тіл жүйріктерді ілгері шығарған «постшындық» («post-truth») дәуірі

Бүгін яғни 29 қараша күні Астанадағы Мәжіліс үйінде Парламент Мәжілісінің депутаты, «Qazaqstan ardagerleri» Қауымдастығының Төрағасы, белгілі қоғам қайраткері, жазушы, ақын Бақытбек Смағұлдың «НҰРСҰЛТАН НАЗАРБАЕВ.АЛТЫН ҒАСЫР» атты кітабының тұсаукесер салтанаты өтті.

Назарбаев

Іс-шара ұлтымыздың ұлық мерекелері – «Тұңғыш Президент күніне» және «Тәуелсіздік күніне» арналып отыр. Тұсаукесер рәсіміне Мәжіліс пен Сенат депутаттары, сондай-ақ Президент Әкімшілігінің, бірқатар орталық мемлекеттік органдардың, зиялы қауымның өкілдері, үкіметтік емес ұйымдар жетекшілері қатысты.

Салтанатты рәсімде Сенат Төрағасының орынбасары Бектас Бекназаров, Мәжіліс вице-спикері Гүлмира Исимбаева және басқа да мәртебелі қонақтар сөз сөйледі.

Б.Смағұлдың көркем тілмен жазылған бұл ғылыми зерттеу еңбегі ірі 7 тараудан тұрады. Әр тарау Елбасы-Қазақстанның Тұңғыш Президенті Нұрсұлтан Әбішұлы Назарбаев тұлғасының жеті қырын ашады.

Атап айтқанда, «Тәуелсіздік – мәңгілік үшін күрес кеңістігі» тарауында Елбасының жаңа қазақстандық мемлекеттіліктің негізін қалаушы ретіндегі тарихи рөлі сомдалады, Мәңгілік ел құру жолындағы сын-тегеуріндер тұжырымдалады.  

«Елбасы шапағаты» тарауында автордың Н.Ә.Назарбаевпен кездескен 1984 жылдан бергі естеліктері, Мемлекет басшысының соғыс ардагерлеріне қамқорлығы баяндалады.

«Елбасы – жаңа ұлтты қалыптастырған феномен» атты тарауда мемлекетқұраушы қазақ ұлтының айналасында ұйысқан Қазақстан халқын – «Болашағы біртұтас ұлтты» түзу кезеңдері мен сол жолдағы қиыншылықтар нақты оқиғалар негізінде сараланады.

«Астана – жаңғырудың рәмізі» тарауы елорданы жариялау және тұрғызу кезеңінде болған, бірақ бұған дейін ел назарынан тасада қалып келген тосын оқиғалар мен тың деректерге құрылған.

«Өмір шынайылығын өзгерткен лидер» тарауында Б.Смағұл әскери сарапшы ретінде Қазақстан Президентінің дүниежүзіндегі әртүрлі қақтығыс ошақтарының өшіп, тұрғындарының бейбіт өмірге оралуына ықпал еткен бітімгер бейнесін сөзбен сомдайды.

«Азшылық ұлтты алыпқа айналдырған» тарауында халқының саны аз болғанымен, әлемдік көшбасшы мемлекетке айналған дамыған елдер тәжірибесі сарапталады, сондай-ақ «Ұлт Атасы» атанған тарихи лидерлер қатарында саналатын Н.Назарбаевтың Қазақстанды озық «отыздық» қатарына қосу стратегиясының мән-маңызы ғылыми талданады.

«Президентке бағыну – жағыну емес, саясатын қолдау – табыну емес» қорытынды тарауында Тұңғыш Президенттің «Рухани жаңғыру» бағдарламасына және содан өрбитін мәселелерге мән беріледі, шын жүйріктерді емес, тіл жүйріктерді ілгері шығарған «постшындық» («post-truth») дәуіріндегі демагогия мен популизмнің қауіптілігі, прагматизмнің қажеттілігі әлемдік тарихи деректер арқылы дәйектеледі.

Бақытбек Смағұл өзінің ұзақ жылдардағы ой-толғанысының жемісі болып табылатын бұл еңбегінде Елбасы атымен ұштасқан «Елдіктің Алтын Ғасырына» қатысты бетбұрыстардың тек куәгері ғана емес, тікелей қатысушысы ретінде дәуір рухын, қазіргі заман бейнесін ғылыми негізде, бірақ ой мен тіл өрнегін төге отырып, аса қызықты суреттейді.

Кітап қалың оқырманға, әр сала мамандарына, сондай-ақ болашақ «назарбаевтанушыларға» орнықты ой, дәйекті дерек, тағылымды түйін, ұлағатты ұйғарым ұсынады.

 

 

Zhazira Baidaly

Автормен оның Facebook парақшасы арқылы хабарласуға болады.

Жазылыңыз

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір