Астана әкімдігі шенділердің таксимен жүруіне 380 млн теңге бөлді

Астана әкімдігінің шенеуніктері қызметтік көліктен бас тартып, такси қызметін пайдалана бастады. Олардың таксимен жүруі үшін бюджеттен 380 млн теңге бөлінді деп хабарлайды Qamshy.kz ақпарат агенттігі Астана телеарнасының дерегін негізге алып. 

Алғашында көпшілік шенділердің таксимен жүретініне күмәнмен қараған болатын. Алайда шенділер 4 ай таксимен жүріп, 39 млн теңге үнемдепті. 

"Қала әкімі, оның орынбасарлары мен аудан әкімдеріне белгілі бір такси жүргізушілер қызмет көрсететін болады. Ал қалған әкімдік қызметкерлері қарапайым адамдар секілді алдын ала тапсырыс беретін болады", - дейді Астана қаласы жүргізушілері Ассоциациясының атқарушы директоры Сәкен Ханкожин.

Әкімдік шенеуніктердің қызметтік көліктерді пайдалануына бұрын 500 млн теңгеден астам қаражат жұмсаған. Әкімдік осылай бюджет қаржысын үнемдемек.