Алмазбек Атамбаев: Біз екі алып державаны қатты ренжітіп алдық

Қырғызстан президенті Алмазбек Атамбаев 22 қараша күні марапаттау рәсімі барысында Қырғызстаннан америкалық «Манас» транзиттік орталығын алып кететініне ешкім сенбегенін мәлімдеді. Оның айтуынша, мұндай шешімге келуінің себебі – «көршілес екі үлкен державаны қатты ренжітіп алған».

«Жасыратыны жоқ – Ресей мен Қытай. Бізде атадан қалған сөз бар «Алыстағы туыстан жақын көршің артық» деген. Бірінші кезекте, Қытай және Ресей сынды ұлы державалармен дос болуға тиіспіз. Кейде бәрі керісінше болады. Мен қарым-қатынасты бұзуға мәжбүр болдым», - деді Атамбаев.

2001 жылы Бішкектегі «Манас» әуежайы маңында АҚШ-тың әскери базасы ашылған. 2003 жылы база транзиттік орталыққа айналды. Екі жақты келісімнің мерзімі 2014 жылы аяқталған, ал Қырғызстан келісімді ұзартудан бас тартты.