جالاقى - 148 مىڭ تەڭگە: مەكتەپ وقۋشىلارىنا جۇمىس ۇسىنىلدى

16 جاستان اسقان ستۋدەنتتەر مەن مەكتەپ وقۋشىلارىنا جازدا, دەمالىس كەزىندە تولىق ەمەس جۇمىس كۇنىن ۇسىنادى. جالاقى ايىنا 40 اەك قۇرايدى &ndash؛ بۇل شامامەن 148 مىڭ تەڭگە. ول ءۇشىن تۇرعىلىقتى جەرى بويىنشا مانساپ ورتالىقتارىنا جۇگىنۋ قاجەت.

ستۋدەنتتەر مەن جوعارى سىنىپ وقۋشىلارى! قاراعاندى وبلىسى بويىنشا مانساپ ورتالىقتارى 16 جاستان اسقان جاستاردى جازعى كەزەڭگە جۇمىسقا ورنالاستىرۋ مۇمكىندىگى تۋرالى حابارلايدى. دەمالىس ۋاقىتىندا جۇمىس ىستەۋ - بۇل جاستاردى ۋاقىتشا جۇمىسپەن قامتاماسىز ەتۋ ءۇشىن مانساپ ورتالىقتارى ۇيىمداستىراتىن جۇمىس ءتۇرى. الدىن الا كاسىبي دايىندىق تالاپ ەتىلمەيدى, &ndash؛ دەلىنگەن وبلىستىق ەڭبەك ۇتقىرلىعى ورتالىعىنىڭ حابارلاماسىندا.

قاجەتتى قۇجاتتار:

1. اتا-انالاردىڭ جازباشا رۇقساتى (ەگەر 18 جاستا بولماسا).

2. جەكە باسىن كۋالاندىراتىن قۇجات.

3. تۋۋ تۋرالى كۋالىك (ەگەر 18 جاستا بولماسا).

4. وقۋ ورنىنان انىقتاما.

5. بانكتىك شوتتىڭ بولۋى تۋرالى انىقتاما.

بارلىق سۇراق بويىنشا whatsapp نومىرىنە حابارلاسۋعا بولادى: 8-775-644-35-80.

ەڭبەك ۇتقىرلىعى ورتالىعىندا ءجيى قويىلاتىن سۇراقتارعا جاۋاپ بەردى.

1. جۇمىسقا قاشان جولداما الۋعا بولادى؟

&ndash؛ جولدامالاردى بەرۋ شامامەن 2024 جىلدىڭ مامىر ايىنىڭ ورتاسىنان باستالادى.

2. قايدا جۇگىنۋ كەرەك؟

&ndash؛ جۇمىسقا جولداما الۋ ءۇشىن اتا-انا بالاسىمەن بىرگە (ەگەر 18 جاسقا تولماسا) تۇرعىلىقتى جەرى بويىنشا مانساپ ورتالىعىنا جۇگىنەدى.

3. 14 جاسار بالاعا قاتىسۋعا بولا ما؟

&ndash؛ جوق, جۇمىسقا قابىلداۋ تەك 16 جاستان باستاپ قانا, ويتكەنى جەكە كۋالىك قاجەت.

4. قانداي جۇمىس؟ نە ىستەۋ كەرەك؟

&ndash؛ مانساپ ورتالىقتارى ءوز قالالارىنىڭ/اۋداندارىنىڭ ۇيىمدارىمەن كەلىسىمشارتتار جاسايدى, وسىلايشا ءارتۇرلى بوس جۇمىس ورىندارىنىڭ ءتىزىمى جاسالادى. مانساپ ورتالىعىندا بوس جۇمىس ورىندارىنىڭ ءتىزىمىن وقىپ, وزىڭىزگە سايكەس كەلەتىن جۇمىستى ءوزىڭىز تاڭداي الاسىز.

5. جالاقى قانداي؟

&ndash؛ جالاقى ايىنا 40 اەك قۇرايدى (اۋدارىمدار, سالىقتار جانە ت.ب. شەگەرىلگەنگە دەيىن).

6. جۇمىس كەستەسى قانداي؟

&ndash؛ جۇمىس كەستەسى ءسىز جۇمىس ىستەيتىن ۇيىمعا بايلانىستى. بۇل نەگىزىنەن 8 ساعاتتىق جۇمىس كۇنى, 5/2.