24 ءساۋىر, 2024 بارلىق ايماقتار
قارجى پيراميداسىنىڭ باسشىلارى سوتتالدى
"؛eolus"؛ قارجى پيراميداسىن قۇرعان جانە باسقارعان, سونداي-اق ونى جارنامالاۋمەن اينالىسقان ەكى قالا تۇرعىنىنا قاتىستى ۇكىم شىقتى, - دەپ جازادى qamshy.kz اقپارات اگەنتتىگى inbusiness.kz سايتىنا سىلتەمە جاساپ.
كورنەكى سۋرەت
"ي" جانە "x" ازاماتتارى جاڭارتىلاتىن ەنەرگيا كوزدەرىنە ينۆەستيسيا سالامىز دەگەن سىلتاۋمەن جەكە تۇلعالاردان اقشا تارتۋ ماقساتىندا, "eolus" قارجى پيراميداسىن قۇرعانى جانە باسقارعانى انىقتالدى. سالىمشىلاردىڭ قاراجاتى كريپتوۆاليۋتاعا اۋدارىلىپ, "energyeolus.info" پلاتفورماسىنا اۋدارىلدى. زالال سوماسى شامامەن 10 ملن تەڭگەنى قۇرادى.
سوتتا مەملەكەتتىك ايىپتاۋشى بىربەتكەيلىكتى ۇستانا وتىرىپ, جاساعان قىلمىس بويىنشا سوتتالۋشىلاردىڭ كىناسى مەن مۇلىكتىڭ جاسالعان قىلمىس ناتيجەسىندە پايدا بولۋىن دالەلدەگەن.
سوت ۇكىمىمەن "ي" جانە "x" دەگەن ازاماتتار كىنالى دەپ تانىلىپ, 3 جىل مەرزىمگە ازاماتتاردىڭ قاراجاتى مەن ينۆەستيسيالارىن تارتۋعا بايلانىستى مۇلكى تاركىلەنىپ, قىزمەتپەن اينالىسۋ قۇقىعىنان ايىرا وتىرىپ, تيىسىنشە 4 جىل جانە 3 جىل 6 ايعا باس بوستاندىعىنان ايىرۋ جازاسىنا كەسىلدى.
ۇكىم زاڭدى كۇشىنە ەنگەن جوق.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر