قازاقستانعا اكەلىنەتىن ءاربىر ەكىنشى كولىك قىتايدان كەلەدى

2024 جىلدىڭ قاڭتار-اقپان ايلارىندا قىتايدان 10,1 مىڭ اۆتوكولىك اكەلىندى. بۇل 2023 جىلدىڭ سايكەس كەزەڭىندەگى كورسەتكىشتەن ەكى ەسە دەرلىك كوپ, ياعني 4,8 مىڭ بىرلىككە ءوستى. مۇنداي مالىمەتتەردى قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسى كەلتىرىپ وتىر.

ەكى اي ىشىندە يمپورتتالعان جەڭىل اۆتوكولىكتەردىڭ جالپى سانى 20 مىڭ بىرلىكتى قۇرادى. ؛وسىلايشا, ەلگە شەتەلدەن جەتكىزىلەتىن ءاربىر ەكىنشى كولىك قىتايدا شىعارىلادى. ؛

ۇش ءىرى جەتكىزۋشى كۇش بىرىكتىرگەننەن كەيىن دە قىتايمەن باسەكەگە تۇسە المادى. ولاردىڭ ۇلەسى 42% قۇرادى: ؛

* اقش &ndash؛ 19% (3,7 مىڭ بىرلىك)؛ ؛
* جاپونيا &ndash؛ 15% (3 مىڭ بىرلىك)؛
* كورەيا &ndash؛ 8% (1,6 مىڭ بىرلىك).

بىر ايتا كەتەرلىگى, اقشالاي ەسەپتەگەندە قىتايدان اۆتوكولىك يمپورتىنىڭ ۇلعايۋى ساندىق كورسەتكىشتەگىدەي ۇلكەن ەمەس. قاڭتار-اقپان ايلارىندا 129,5 ملن دوللار جۇمسالدى, بۇل 43%-عا, ياعني 39 ملن. دوللارعا ارتىق. مۇنداي ديناميكا ونسىز دا قىمبات ەمەس قىتايلىق كولىكتەردىڭ قولجەتىمدىلىگىنىڭ ارتقانىن كورسەتۋى مۇمكىن.