15 ءساۋىر, 2024 ەكونوميكا وزگەرتۋ

توقاەۆ پەن ارمەنيانىڭ پرەمەر-مينيسترى 10 قۇجاتقا قول قويدى.

ەرەۆاندا قازاقستان پرەزيدەنتى مەن ارمەنيانىڭ پرەمەر-مينيسترى كەڭەيتىلگەن قۇرامدا كەلىسسوز جۇرگىزدى, - دەپ حابارلايدى qamshy.kz اقپارات اگەنتتىگى akorda.kz-كە سىلتەمە جاساپ.

فوتو: اقوردا

قۇرمەت قاراۋىلىنىڭ باستىعى ەكى ەل باسشىلارىنا راپورت بەردى. قازاقستان مەن ارمەنيانىڭ مەملەكەتتىك ءانۇراندارى ورىندالعان سوڭ قاسىم-جومارت توقاەۆ پەن نيكول پاشينيان بىر-بىرىنە رەسمي دەلەگاسيا مۇشەلەرىن تانىستىردى.

سونىمەن بىرگە, ؛ مەملەكەت باسشىسى ارمەنيا پرەمەر-مينيسترىمەن شاعىن قۇرامدا كەلىسسوز جۇرگىزىپ, 10 قۇجاتقا قول قويدى. ؛

اتاپ ايتقاندا, قازاقستان پرەزيدەنتىنىڭ ەرەۆانعا رەسمي ساپارى اياسىندا مىناداي قۇجاتتارعا قول قويىلدى:

قازاقستان ۇكىمەتى مەن ارمەنيا ۇكىمەتى اراسىنداعى كوشى-قون سالاسىنداعى ىنتىماقتاستىق تۋرالى كەلىسىم؛
قازاقستان ۇكىمەتى مەن ارمەنيا ۇكىمەتى اراسىنداعى ازاماتتاردىڭ ساپارلارى مەن بولۋ ءتارتىبى تۋرالى كەلىسىم؛
2006 جىلعى 6 قاراشاداعى قازاقستان ۇكىمەتى مەن ارمەنيا ۇكىمەتى اراسىنداعى حالىقارالىق اۆتوموبيل قاتىناسى تۋرالى كەلىسىمگە وزگەرىستەر مەن تولىقتىرۋلار ەنگىزۋ تۋرالى حاتتاما؛
قازاقستان مەن ارمەنيانىڭ اۆياسيالىق بيلىگى اراسىنداعى ءوزارا تۇسىنىستىك تۋرالى مەموراندۋم؛
قازاقستاننىڭ ماڭعىستاۋ وبلىسى اكىمىنىڭ اپپاراتى مەن ارمەنيانىڭ ارماۆير وبلىسى اكىمشىلىگى اراسىنداعى ىنتىماقتاستىق تۋرالى مەموراندۋم؛
قازاقستاننىڭ شىمكەنت قالاسى مەن ارمەنيانىڭ ۆانادزور قالاسى اراسىنداعى ىنتىماقتاستىق جانە باۋىرلاستىق قارىم-قاتىناس ورناتۋ تۋرالى مەموراندۋم؛
قازاقستاننىڭ تۋريزم جانە سپورت مينيسترلىگى مەن ارمەنيانىڭ ءبىلىم, عىلىم, مادەنيەت جانە سپورت مينيسترلىگى اراسىنداعى 2024-2026 جىلدارعا ارنالعان ىنتىماقتاستىق باعدارلاماسى؛
قازاقستان ۇكىمەتى مەن ارمەنيا ۇكىمەتى اراسىنداعى ساۋدا-ەكونوميكالىق ىنتىماقتاستىق جونىندەگى 2024-2025 جىلدارعا ارنالعان جول كارتاسى؛
قازاقستاننىڭ سيفرلىق دامۋ, يننوۆاسيالار جانە اەروعارىش ونەركاسىبى مينيسترلىگى مەن ارمەنيانىڭ جوعارى تەحنولوگيالىق يندۋستريا مينيسترلىگى اراسىنداعى اقپاراتتىق كوممۋنيكاسيالىق تەحنولوگيالار سالاسىنداعى ىنتىماقتاستىق تۋرالى ءوزارا تۇسىنىستىك تۋرالى مەموراندۋم؛
استانا مەن ەرەۆان اراسىنداعى باۋىرلاستىق قارىم-قاتىناس ورناتۋ تۋرالى مەموراندۋم.