رەسەيدە سوعىسقا تۇرمەدە وتىرعان ايەلدەر شاقىرىلۋدا – رەسەيلىك باق

رەسەي قورعانىس مينيسترلىگى ۋكرايناعا قارسى سوعىس جۇرگىزۋ ءۇشىن قوسىمشا ادام رەسۋرستارىن ىزدەپ, رەسەي كولونيالارىنداعى ايەلدەردى بەلسەندى تۇردە تارتۋدا. بۇل تۋرالى ۋكراينانىڭ ۇلتتىق قارسىلاسۋ ورتالىعىنا سىلتەمە جاساپ ؛dw.com ؛سايتى حابارلادى.

"بىرىنشى كەزەكتە تۇتقىن ايەلدەر اراسىنان دارىگەرلەر, مەرگەندەر ىرىكتەلەدى. ؛سونداي-اق ايەلدەر قالاسا, شابۋىلداۋشى جاساقتارعا دا الىنادى. تۇرمەدەگى ايەلدەرگە اقشا جانە ۇيلەرىنە قايتۋ مۇمكىندىگى ۋادە ەتىلگەن جانە ولاردىڭ كوپشىلىگى ءتىرى ورالاتىنىنا سەنىپ, ۇسىنىلعان شارتتارمەن كەلىسىپ جاتىر", &ndash؛ دەلىنگەن ۇقك حابارلاماسىندا.

بۇعان دەيىن رەسەيلىك قۇقىق قورعاۋشىلار مەن باق ايەلدەردى ۋكرايناعا قارسى سوعىسقا تارتۋ تۋرالى حابارلاعان بولاتىن. ماسەلەن «؛رۋس سيدياششايا»؛ قۇقىق قورعاۋ جوباسىنىڭ نەگىزىن قالاۋشى ولگا رومانوۆا رەسەي قورعانىس مينيسترلىگىنىڭ ۇگىتشىلەرى تۇتقىن ايەلدەردى ۋكرايناداعى سوعىسقا جىبەرۋ ءۇشىن جالداپ جاتقانىن بىرنەشە رەت اتاپ ءوتتى.

جالپى وسىنداي العاشقى حابارلامالار 2023 جىلدىڭ كوكتەمىندە پايدا بولعان. ءبىراق ول كەزدە رومانوۆا مەن ۋكراينا قارۋلى كۇشتەرىنىڭ باس شتابىنىڭ مالىمەتى بويىنشا, ؛جالداۋ ۋكراينانىڭ وككۋپاسيالانعان اۋماقتارىنداعى كولونيالاردا جۇرگەن.

ارتىنشا ؛ولگا رومانوۆا ؛ايەلدەردى سوعىسقا جاپپاي تارتۋ رەسەي اۋماعىندا جۇزەگە اسىرىلا باستاعانىن دا ايتقان بولاتىن. ؛

ايتا كەتسەك, ؛ۋكراينا دا سارباز جەتىسپەۋىنە بايلانىستى اسكەرگە ايەلدەردى دە جاپپاي شاقىرۋ جۇمىستارى جۇرگىزىلۋدە. ؛