پەدوفيلدەر مەن تەرروريستەر قازاقستانعا كىرە المايدى

سەناتور سوۆەتبەك مەدەباەۆ زاڭدا قانداستاردى تىركەۋ ماسەلەسىن جەتىلدىرۋ جاعى قاراستىرىلعانىن ايتادى.

- قانداس مارتەبەسىن جانە قازاقستان ازاماتتىعىن جەڭىلدەتىلگەن تارتىپپەن الۋعا ۇمىتكەرلەردىڭ جەكە باسىن كۋالاندىراتىن نەمەسە ۇلتىن راستايتىن باسقا دا قۇجاتتاردا ءتيىستى جازبا بولماعان جاعدايلاردا, ونى ايقىنداۋ ءراسىمىن جەتىلدىرۋگە باعىتتالعان تۇزەتۋلەر ۇسىنىلادى. اتاپ ايتقاندا, ەڭبەك جانە حالىقتى الەۋمەتتىك قورعاۋ مينيسترلىگىنە ۇلتى قازاق ەكەنىن ايقىنداۋ ەرەجەسىن ازىرلەۋ جانە بەكىتۋ جونىندەگى وكىلەتتىگى بەكىتىلەدى, - دەدى سەناتور.

ال زاڭنىڭ نەگىزگى قامتيتىن ماسەلەلەرىنە:

• كامەلەتكە تولماعاندارعا جىنىستىق زورلىق كورسەتكەن قىلمىستار ءۇشىن سوتتالعان شەتەلدىكتەرگە قازاقستان رەسپۋبليكاسىنا كىرۋدى جانە ەلدىڭ ازاماتتىعىن الۋدى شەكتەۋ؛
• ەكسترەميستىك نەمەسە تەرروريستىك ارەكەتتەرگە قاتىسى بار شەتەلدىكتەردىڭ ەلگە كىرۋىنە تىيىم سالۋ؛
• كوشى-قون سالاسىنداعى زاڭنامانىڭ ساقتالۋىنا مەملەكەتتىك باقىلاۋدى جۇزەگە اسىرۋ ءتارتىبىن ايقىنداۋ بولىپ تابىلادى. ماسەلەن, اۋماقتىق ىشكى ىستەر ورگاندارى جۇزەگە اسىراتىن شەتەلدىك جۇمىس كۇشىن پايدالاناتىن زاڭدى, جەكە تۇلعالاردى تەكسەرۋ ءتارتىبى زاڭنامالىق دەڭگەيدە بەكىتىلەدى؛
• ەگەر جەكە باسىن كۋالاندىراتىن قۇجاتتاردى جانە قولدانۋ مەرزىمى وتكەن باسقا قۇجاتتاردى ۇزارتۋ نەمەسە اۋىستىرۋ مۇمكىندىگى بولماسا, ولاردى توتەنشە جاعدايلاردا پايدالانۋ ماسەلەسىن رەتتەۋ. مۇنداي قۇجاتتار قولدانۋ مەرزىمىنە قاراماستان جارامدى دەپ تانىلاتىن بولادى؛
• قوس ازاماتتىقتى بولعىزباۋ ماقساتىندا قازاقستان ازاماتتىعىن العاننان كەيىن باسقا مەملەكەتتىڭ ازاماتتىعىن راستايتىن قۇجاتتاردى پايدالانعان جاعدايدا قازاقستان رەسپۋبليكاسىنىڭ ازاماتتىعىن جوعالتۋدىڭ جاڭا نەگىزى ەنگىزىلەدى.

ايتا كەتسەك, قولدانىستاعى زاڭنامادا شەت مەملەكەتتىڭ ازاماتتىعىن العانى ءۇشىن عانا قازاقستان ازاماتتىعىنان ايىرۋ كوزدەلگەن.

-قوس ازاماتتىقتى بولعىزباۋ ماقساتىندا قازاقستان ازاماتتىعىن العاننان كەيىن باسقا مەملەكەتتىڭ ازاماتتىعىن راستايتىن قۇجاتتاردى پايدالانعان جاعدايدا قازاقستان رەسپۋبليكاسىنىڭ ازاماتتىعىن جوعالتۋدىڭ جاڭا نەگىزى ەنگىزىلەدى, - دەدى سوۆەتبەك مەدەباەۆ.

سەناتتا «؛قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتىڭ كوشى-قونى جانە قىلمىستىق-اتقارۋ جۇيەسى سالالارىنداعى زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى»؛ زاڭ جوباسى ءبىرىنشى وقىلىمدا ماقۇلداندى.