فوتو: اباي وبلىسى اكىمدىگى
بەسقاراعاي اۋدانىندا «؛كيەلى مەكەن»؛ ەكولوگيالىق اكسياسى ءوتتى. وعان وبلىس اكىمى نۇرلان ۇرانحاەۆ, كوپبالالى انالار, جاستار, ەرىكتىلەر مەن اۋدان تۇرعىندارى قاتىستى.
اكسيانىڭ ماقساتى - تاريحي-مادەني ەسكەرتكىشتەر مەن ولاردىڭ اۋماعىن ساقتاۋ جانە قالىپتى جاعدايدا ۇستاۋ. بيىل اقكول مەشىتىنە 117 جىل تولادى.
1907 جىلى سالىنعان كونە مەشىت ومبى-مايقاپشاعاي رەسپۋبليكالىق تاس جولىنان «؛مەن مۇندالاپ»؛ انىق كورىنەدى. مەشىت بىردە-بىر شەگە قاعىلماي, تازا اعاشتان سالىنعان عاجايىپ نىسان.
قۇلشىلىق ءۇيى بەلگىلى ساۋداگەر, قاجى سۇلتان فازىلبەكوۆتىڭ مۇرىندىق بولۋىمەن سالىنعان. قۇرىلىس جۇمىستارىنا ەرتىس بويىنداعى ءار وڭىردەن ماتەريالدار جەتكىزىلىپ, ۇزدىك باشقۇرت ساۋلەتشىلەرى تارتىلعان.
كەڭەستىك داۋىردە مەشىت جابىلىپ, باستاۋىش مەكتەپ, كىتاپحانا, اۋىلدىق كلۋب ەسەبىندە پايدالانىلعان. سالىنعانىنا عاسىردان اسسا دا ءوزىنىڭ قالپىن ساقتاپ تۇرعان مەشىت وبلىستىق تاريحي-مادەني ەسكەرتكىش مارتەبەسىنە يە.
بەسقاراعايلىقتار «؛تازا قازاقستان»؛ اكسياسىنا بەلسەنە قاتىسىپ جاتقانىن ايتا كەتۋىمىز كەرەك. بيىل اۋداندا 230 كوشەگە اباتتاندىرۋ جۇرگىزىلەدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر