12 ءساۋىر, 2024 بارلىق ايماقتار
دەپۋتات جەزقازعان مىس ءوندىرۋ كاسىپورنىنا قانىش ساتباەۆتىڭ اتىن بەرۋدى ۇسىندى
عالىمنىڭ تۋعانىنا بۇگىن 125 جىل تولىپ وتىر.
فوتو: اشىق دەرەككوزدەن
ماجىلىس دەپۋتاتى ەربولات ساتىبالدين جەزقازعان مىس ءوندىرۋ كاسىپورنىنا ايگىلى عالىم, گەولوگ قانىش ساتباەۆتىڭ اتىن بەرۋ جونىندە باستاما كوتەردى.
&ndash؛ بيىل قازاق دالاسىنىڭ ۇلى پەرزەنتى قانىش يمانتايۇلى ساتباەۆتىڭ تۋعانىنا 125 جىل تولىپ وتىر. قانىش ساتباەۆ تۇڭعىش كاسىبي تاۋ-كەن ينجەنەرى, عالىم, گەولوگ, تۇڭعىش اكادەميك. سوندىقتان, ۇلى عالىمنىڭ ەسىمى قازاق حالقىنىڭ تاريحىندا التىن ارىپتەرمەن جازىلعان. ءوي-ورىسى كەڭ, عىلىمي قىزمەتتى شەبەر ۇيىمداستىرعان ادام رەتىندە ساتباەۆتىڭ ۇلىلىعى ەلىمىزدىڭ ينتەلەكتۋالى ەلىمىزدىڭ عىلىمي دامۋىنا باعىت بەردى. ەلىمىزدىڭ بۇگىنگى يننوۆاسيالىق جانە عىلىمي الەۋەتىنىڭ ىرگەتاسىن قالادى, &ndash؛ دەيدى ول.
ەربولات ساتىبالدين عالىمنىڭ 1927 جىلى جاس مامان ينجەنەر رەتىندە قارساقباي كەنىشىندە باستاعانىن, كەيىن ۇلكەن جەزقازعاننىڭ اشىلۋىنا, قازاقستاندا ءتۇستى مەتاللۋرگيا وندىرىسىنە باستاۋ بولعانىن ايتادى. ؛
&ndash؛ ەلىمىزدىڭ ءتۇرلى-تۇستى مەتاللۋرگياسىنىڭ فلاگمانىنا اينالعان جەزقازعان مىس ءوندىرۋ كاسىپورنىنا اتاۋلى مەرەيتويعا وراي اكادەميكتىڭ اتىن بەرۋ تاريحي ادىلدىك بولار ەدى دەپ ويلايمىن. تاۋەلسىز قازاقستاننىڭ ونەركاسىبىن وركەندەتۋگە ۇلەس قوسىپ, وسىنداي ءوندىرىس الابىنىڭ العاشقى ۇيىمداستىرۋشىسى بولعان قانىش ساتباەۆتى ۇمىتپاۋ كەرەك, &ndash؛ دەيدى ساتىبالدين.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر