تاعى دا جۇرگىزۋشىگە شابۋىل. كۇدىكتى قولعا ءتۇستى

الماتىدا كولىك جۇرگىزۋشىسىنە شابۋىل جاساعان جولاۋشى قولعا ءتۇستى, &ndash؛ دەپ حابارلادى polisia.kz.

الماتىنىڭ بوستاندىق اۋدانىندا, تاڭعى 08:00 شاماسىندا, 98-باعىتتاعى اۆتوبۋستا 38 جاستاعى جولاۋشى بۇزاقىلىق جاساعانى ءۇشىن جاۋاپكەرشىلىككە تارتىلدى. ول قوعامدىق ءتارتىپتى بۇزىپ, كولىك جۇرگىزۋشىسىنە دەنە جاراقاتىن كەلتىرگەن.

&ndash؛ كۇدىكتى ۇستالىپ, ۋاقىتشا ۇستاۋ يزولياتورىنا قامالدى. بۇزاقىلىق دەرەگى بويىنشا قىلمىستىق ءىس قوزعالدى. ساراپتاما تاعايىندالدى. كۇدىكتى ءوزىن قورعاۋ ءۇشىن جۇمىسقا كەشىگىپ بارا جاتقاندىقتان, جۇرگىزۋشىدەن تەزىرەك ءجۇرۋىن سۇراعانىن ايتتى. الايدا جانجالدىڭ سەبەبى دە وسى كيكىلجىڭ بولعان, &ndash؛ دەيدى, بوستاندىق اۋداندىق پوليسيا باسقارماسىنىڭ باستىعى ديدار احانوۆ.

سوڭعى جىلدارى قوعامدىق كولىك جۇرگىزۋشىلەرىنە شابۋىل جيىلەپ كەتتى. بىلتىر ؛الماتىدا 47-باعىتتاعى قوعامدىق كولىكتىڭ جولاۋشىسى جۇرگىزۋشى ايەلدى ۇرىپ ەسىنەن تاندىرىپ, سالدارىنان باقىلاۋدان شىعىپ كەتكەن كولىك ايالدامادا تۇرعان ادامداردى قاعىپ, ءتورت كولىكپەن سوقتىعىسقان. وقيعا سالدارىنان ءۇش ادام قازا تاۋىپ, تاعى 4 ادام دەنە جاراقاتتارىن العان.