27 ناۋرىز, 2024 news
فوتو: استانا سوتى ءباسپاسوز قىزمەتى
جوعارعى cوتتىڭ كوممۋنيكاسيا ءبولىمىنىڭ مەڭگەرۋشىسى پەريزات ءسادۋاقاس استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا ق.بيشىمباەۆتىڭ ءىسى بويىنشا القابيلەر القاسىنا كانديداتتاردى ىرىكتەيتىن جابىق وتىرىس باستالعانىن حابارلادى.
؛
وتىرىستا 12 ادامنان تۇراتىن (10 نەگىزگى جانە 2 قوسالقى) القابيلەر القاسى قۇرىلادى.
؛
"وسىعان وراي, كەشە القابيلەر القاسىنا ىرىكتەۋ ءتارتىبى ءتۇسىندىرىلدى. وزدەرىڭىزگە ءمالىم, ق.بيشىمباەۆقا قاتىستى سوت تالقىلاۋىنا قوعامنىڭ قىزىعۋشىلىعىنىڭ ارتقانىن ەسكەرە وتىرىپ, وسى ءىس بويىنشا اشىق سوت وتىرىستارىنان اشىق ونلاين-ترانسلياسيا ۇيىمداستىرۋ تۋرالى شەشىم قابىلداندى. وسىلايشا, ونلاين-ترانسلياسيا ارقىلى كەز كەلگەن ادام, سونىڭ ىشىندە باق وكىلدەرى بۇل سوت پروسەسىنىڭ بارىسىن باقىلاي الادى" دەدى ؛جوعارعى cوتتىڭ كوممۋنيكاسيا ءبولىمىنىڭ مەڭگەرۋشىسى فەيسبۋكتەگى پاراقشاسىندا.
؛
پەريزات ءسادۋاقاس اقپاراتتى جاريالاۋ جانە باق-تىڭ پروسەسكە قاتىسۋ تارتىبىنە ساي, سوت زالىنىڭ سىيىمدىلىعىنبايلانىستى وعان تەك جۋرناليستەرسىز 10-15 قانا وپەراتور كامەرامەن كىرە الاتىنىن, جۋرناليستەر ءۇشىن ونلاين-ترانسلياسياسى بار ارنايى زال دايىندالعانىن اتاپ ءوتتى.
؛
سونداي-اق ول القابيلەر القاسىن ىقتيمال قىسىمداردان قورعاۋ, سونىڭ ىشىندە ولاردىڭ جەكە باسىن انىقتاۋعا جول بەرمەۋ ءۇشىن ولاردى فوتو جانە بەينەجازباعا تۇسىرۋگە بولمايتىنىن ەسكەرتتى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر