01 ناۋرىز, 2024 باتىس قازاقستان وبلىسى
مۇلىك تالاسى: بقو-دا ءبىر ايەل كۇيەۋىن ءولتىرۋ ءۇشىن كيللەر جالداعان
اجىراسپاق ويى بار ايەل مۇلكىن بولىسكىسى كەلمەگەن. سوندىقتان ەرىنەن قۇتىلۋدىڭ جولىن ىزدەستىرگەن ونىڭ تاڭداۋى جالدامالى كيللەرگە تۇسكەن. بۇل ارادا ادام قۇنى 1,3 ملن تەڭگەگە باعالانعان.
polisia.kz
ەلىمىزدىڭ باتىس وڭىرىندە جۇرگىزىلگەن جەدەل ءىس-شارالار بارىسىندا پوليسيا تاپسىرىسپەن كىسى ءولتىرۋ قىلمىسىنىڭ الدىن الدى, دەپ حابارلايدى qamshy.kz.
قىلمىستى ۇيىمداستىردى دەگەن كۇدىكپەن بقو-نىڭ ەكى تۇرعىنى ۇستالدى.
"كۇدىكتىلەردەن ولاردىڭ كىناسىن راستايتىن زاتتاي دالەلدەمەلەر تاركىلەندى. تەرگەۋ مالىمەتتەرى بويىنشا, قارۋدى ساتىپ الۋ جانە كىسى ءولتىرۋدى ورىنداۋ ءۇشىن تاپسىرىس بەرۋشى ۇيىمداستىرۋشىعا 1,3 ملن تەڭگە بەرگەن. كۇدىكتىلەر ۇستالدى, سوتتىڭ سانكسياسىمەن ولارعا قاتىستى &ldquo؛قاماۋدا ۇستاۋ&rdquo؛ بۇلتارتپاۋ شاراسى تاڭدالدى. قىلمىستىق ءىس كىسى ولتىرۋگە وقتالۋ فاكتىسى بويىنشا تەرگەلىپ جاتىر", دەيدى بقو پد ءباسپاسوز قىزمەتى.
كۇدىكتىلەر 20 جىلعا دەيىن باس بوستاندىعىنان ايىرىلۋى مۇمكىن. ءقازىر جابىرلەنۋشىنىڭ ومىرىنە ەشقانداي ءقاۋىپ جوق. تەرگەۋ مۇددەسى ءۇشىن وزگە مالىمەتتەر جاريا ەتىلمەيدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر