14 اقپان, 2024 الەۋمەت
«قىز, قىز ەمەس». مينيستر جوو-لاردىڭ بىرىندەگى ىڭعايسىز جاعدايعا قاتىستى تۇسىنىك بەردى
whatsapp-تا ستۋدەنت قىزداردىڭ تەلەفون نومىرلەرى مەن ءجسن-نىن قامتيتىن اقپارات تاراۋدا. ونىڭ ۇستىنە ول ارادا بويجەتكەندەردىڭ قايسىسى قىز, قايسىسى قىز ەمەس (قىزدىققا قاتىستى) ەكەنى كورسەتىلگەن.
الەۋمەتتىك جەلىدەن الىندى
ماجىلىس دالىزىندە عىلىم جانە جوعارى ءبىلىم ءمينيسترى ساياسات نۇربەكتەن جۋرناليستەر قاۋىمى ؛ الماتىداعى جوعارى وقۋ ورىندارىنىڭ ءبىرىنىڭ ستۋدەنتتەرىنە قاتىستى whatsapp-تا تاراعان اقپاراتقا قاتىستى پىكىرىن سۇرادى.
"بۇل, جەكە دەرەكتەرگە دەگەن نەمقۇرايلى قاتىناس. ءبىز اتالعان ماسەلەنى ءوز باقىلاۋىمىزعا الدىق, ويتكەنى بۇل ارادا تىكەلەي زاڭبۇزۋشىلىق بار. كىنالىلەر قولدانىستاعى زاڭناما اياسىندا جازالاناتىن بولادى. بىزدە جەكە دەرەكتەردى قورعاۋ تۋرالى زاڭ بار. بۇل ارادا اكىمشىلىك قۇقىق بۇزۋشىلىق تۋرالى ءسوز بولىپ وتىر»؛, دەپ ساياسات نۇربەك ءسوزىن ءبىر قايىردى.
سونداي-اق مينيستر جەكە تۇلعالار مالىمەتتەرى قاۋىپسىزىدىگى ماسەلەسىن رەتتەۋدى قاتاڭداتۋ قاجەت دەگەن پىكىردە.
"جالپى, بۇل ادەپ, مادەنيەت ماسەلەسى. قانشا جەكە كۋالىكتى جىبەرىپ جاتامىز... جوو-دا وسىنداي فاكتىلەر بولعانى, وكىنىشتى. وتە قۇپيا اقپارات بولىپ تابىلاتىن جەكە باس جانە جەكە مالىمەتتەر تۋرالى زاڭناما قاتاڭ بولمايىنشا, مادەنيەت تە وزگەرمەيدى", دەيدى ول.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر