مەملەكەتتىك قىزمەت ىستەرى اگەنتتىگىنىڭ ەكس-باسشىسى انار جايىلعانوۆا دۇنيەدەن وزدى

«؛قر مەملەكەتتىك قىزمەت ىستەرى اگەنتتىگىنىڭ بۇرىنعى ءتوراعاسى انار نۇرالىقىزى جايىلعانوۆا 55 جاسقا قاراعان شاعىندا مەزگىلسىز دۇنيەدەن وزدى. اگەنتتىك ۇجىمى مارقۇمنىڭ تۋعاندارى مەن جاقىندارىنىڭ قايعىسىنا ورتاقتاسىپ كوڭىل ايتادى»؛, دەلىنگەن كوڭىل ايتۋ حابارلاماسىندا. ؛

سونداي-اق پرەزيدەنت قاسىم-جومارت توقاەۆ مەملەكەت جانە قوعام قايراتكەرى انار نۇرالىقىزى جايىلعانوۆانىڭ دۇنيەدەن وتۋىنە بايلانىستى وتباسى مەن جاقىن تۋىستارىنا كوڭىل ايتۋ جەدەلحاتىن جولدادى.

"انار نۇرالىقىزى ەسەلى ەڭبەك ەتىپ, ەلىمىزدىڭ وركەندەۋىنە بار كۇش-جىگەرىن جۇمسادى. كوپتەگەن يگى ىسكە اتسالىسىپ, ءوزىن بىلىكتى مامان رەتىندە كورسەتە ءبىلدى. ناعىز مەملەكەتتىك قىزمەتشىگە ءتان قالپىمەن ابىرويلى قىزمەت اتقارعان انار نۇرالىقىزىنىڭ ەسىمى مەن بەينەسى ۇمىتىلمايدى. مارقۇمنىڭ يمانى سالامات, جانى ءجانناتتا بولسىن", دەپ جازىلعان اقوردانىڭ ءباسپاسوز قىزمەتى جاريالاعان جەدەلحاتتا.

انار جايىلعانوۆا 1969 جىلى 10 شىلدەدە سەمەي قالاسىندا دۇنيەگە كەلگەن. 1991 جىلى ءال-فارابي اتىنداعى قازۇۋ-دى ۇزدىك ديپلوممەن ءبىتىردى.

ار جىلدارى ول قر عىلىم اكادەمياسىنىڭ فيلوسوفيا جانە قۇقىق ينستيتۋتىندا كىشى عىلىمي قىزمەتكەر, وڭتۇستىك قازاقستان وبلىستىق سوتىنىڭ كەڭەسشىسى, وقو سوتتىنىڭ, سونداي-اق جوعارى سوتتىڭ سۋدياسى بولدى.

2019-2022 جىلدارى قر مەملەكەتتىك قىزمەت ىستەرى اگەنتتىگىنىڭ ءتوراعاسى قىزمەتىن اتقاردى.

مارقۇمنىڭ ارتىندا كۇيەۋى جانە ۇلكەن قىزى قالدى.