08 اقپان, 2024 وقيعالار
«اناسى ىزدەستىرىلىپ جاتىر». تۇركىستاندا جالدامالى پاتەردەن ەكى جاس بالا ءولى كۇيىندە تابىلدى
7 اقپاندا تۇركىستان قالاسىندا جالدامالى پاتەرلەردىڭ بىرىنەن ەكى جاس بالانىڭ دەنەسى تابىلدى. بۇلدىرشىندەردىڭ اناسى اتالعان قىلمىس بويىنشا كۇدىككە ىلىنگەن.
اشىق دەرەككوزدەن الىندى
تۇركىستان وبلىستىق پوليسيا دەپارتامەنتى بۇل فاكت بويىنشا قىلمىستىق ءىس قوزعالعانىن, ءولىمنىڭ سەبەبىن انىقتاۋ ءۇشىن بالالاردىڭ دەنەسى ساراپتاماعا جولدانعانىن حابارلادى.
«؛قازىرگى ۋاقىتتا بولعان وقيعانىڭ بارلىق ءمان-جايىن انىقتاۋ جانە بالالاردىڭ قايتىس بولعانى مەن ولاردىڭ مەكەن-جايى تۋرالى قۇربىسىنا حابارلاعان انانىڭ, ياعني قىزىلوردا وبلىسى تۇرعىنىنىڭ ورنالاسقان جەرىن انىقتاۋ ماقساتىندا قاجەتتى جەدەل-تەرگەۋ شارالارى جۇرگىزىلۋدە»؛, دەلىنگەن وڭىرلىك پد ءباسپاسوز قىزمەتى.
جەرگىلىكتى otyrar تەلەارناسى كۇدىكتى ايەلدىڭ قىزىلوردا وبلىسى, شيەلى اۋدانىنداعى پۋشكين اتىنداعى №46 مەكتەپتە تاربيەشى بولىپ جۇمىس ىستەگەنى تۋرالى اقپارات تاراتتى. بۇل اقپاراتتى شيەلى اۋداندىق ءبىلىم ءبولىمى دە ءناقتىلعان.
وز كەزەگىندە تۇركىستان وبلىسىن باس پوليسەيى مۇرات قابدەنوۆ تۇرعىنداردى جالعان اقپارات تاراتپاۋدى ءسۇرايدى.
«؛ىستىڭ تەرگەۋ بارىسى مەنىڭ جەكە باقىلاۋىما الىندى. جالعان اقپارات تاراتقانعا جاۋاپكەرشىلىك قاراستىرىلعانىن ەسكەرتەمىن جانە ازاماتتاردى تەك رەسمي دەرەككوزدەردەن الىنعان مالىمەتتەرگە سەنۋگە شاقىرامىن»؛,دەدى ول.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر