انتيكور قايرات ساتىبالدى ءىسى اياسىندا تاعى 44,6 ملرد تەڭگەنى مەملەكەتكە قايتاردى

انتيكور ءتوراعاسى اسحات جۇماعالي پرەزيدەنت قاسىم-جومارت توقاەۆتىڭ ۇكىمەتتىڭ كەڭەيتىلگەن وتىرىسىندا ايتىلعان تاپسىرمالارىن ىسكە اسىرۋ بويىنشا قۇرىلىمدىق جانە اۋماقتىق دەپارتامەنت باسشىلارىمەن جەدەل كەڭەس وتكىزدى.

جيىندا مەملەكەت باسشىسى اتاپ وتكەندەي, زاڭسىز شىعارىلعان اكتيۆتەردى قايتارۋ ينۆەستيسيالاردىڭ تاعى ءبىر كوزى بولۋى ءتيىس ەكەنى باسا ايتىلدى.

سونداي-اق سىبايلاس جەمقورلىققا قارسى قىزمەتپەن قايرات ساتىبالدىۇلىنا قاتىستى قىلمىستىق ىستەردى تەرگەۋ شەڭبەرىندە مەملەكەتكە 2024 جىلدىڭ باسىنان باستاپ ەلىمىزگە قوسىمشا 44,6 ملرد تەڭگە قايتارىلعانى بەلگىلى بولدى. ؛

"قازىرگى ۋاقىتتا قاراجات مەملەكەتكە كەلتىرىلگەن زالالدى وتەۋ ەسەبىنەن رەسپۋبليكالىق بيۋدجەتكە جىبەرىلدى", دەلىنگەن انتيكور حابارلاماسىندا.

سونىمەن قاتار, پرەزيدەنت ەكونوميكاعا جاڭا سەرپىن بەرۋ ءۇشىن كاسىپكەرلەرمەن جانە ينۆەستورلارمەن تولىققاندى سەرىكتەستىك قۇرۋ قاجەتتىگىنە نازار ءاۋداردى.

بىر جىل بۇرىن انتيكورمەن بيزنەستى قورعاۋ جۇمىسى اياسىندا «؛بيزنەسكە جول»؛ جوباسى ىسكە قوسىلدى.

ول جەرگىلىكتى جەرلەردە كاسىپكەرلىكتىڭ دامۋىنا كەدەرگى كەلتىرەتىن جۇيەلى اكىمشىلىك كەدەرگىلەردى جويۋعا ارنالعان.

جوبا ىسكە قوسىلعان ساتتەن باستاپ 600-دەن استام پروبلەمالىق كەيس شەشىلىپ, 30 مىڭعا جۋىق كاسىپكەرگە كومەك كورسەتىلدى.

سونداي-اق, پرەزيدەنت قاسىم-جومارت توقاەۆ ءوز سوزىندە جەمقورلىق ءالى دە ەكونوميكانىڭ دامۋىن تەجەيتىن فاكتورلاردىڭ ءبىرى بولىپ قالا بەرەتىنىن اتاپ ءوتتى. بۇل باعىتتا سيفرلىق تەحنولوگيالاردى, ونىڭ ىشىندە «؛اقشانى بوياۋ»؛ جانە «؛سيفرلىق تەڭگەنى»؛ قولدانۋ تەتىكتەرىن ودان ءارى ەنگىزۋ ماڭىزدى بولىپ تابىلادى.

مەملەكەت باسشىسىنىڭ تاپسىرماسىنا سايكەس جانە سىبايلاس جەمقورلىققا قارسى ساياسات تۇجىرىمداماسىن ىسكە اسىرۋ شەڭبەرىندە اگەنتتىك قارجى مينيسترلىگىمەن جانە ۇلتتىق بانكپەن بىرلەسىپ وسى قۇرالداردى ەنگىزۋدى جالعاستىرادى.

قازىرگى ۋاقىتتا «؛اقشانى بوياۋدى»؛ پيلوتتىق ەنگىزۋ ءۇشىن اۆتوجولدار سالۋ, اۋىل شارۋاشىلىعى تەحنيكاسى مەن جابدىقتارىن ساتىپ الۋ, سونداي-اق الەۋمەتتىك-كاسىپكەرلىك كورپوراسيالاردىڭ قاراجاتىن پايدالانۋ سالالارى ايقىندالعان. انتيكور باسشىسىنىڭ ايتۋىنشا, پرەزيدەنت تاپسىرماسىنا سايكەس, بۇل پروسەسس نىسانداردىڭ قۇرىلىس سالاسىنا دا تارالاتىن بولادى.

"بيۋدجەتتەن بولىنگەن قارجى تۇپكى ماقساتىنا جەتۋى كەرەك. ءبىزدىڭ سۇيەمەلدەۋىمىزدەگى قۇرىلىستارى ۇزاققا سوزىلعان نىسانداردىڭ ۋاقىتىلى بەرىلمەي, ساپاسىز سالىنۋى كوبىنە اقشانى جىمقىرۋ نەمەسە شەنەۋنىكتەرگە ودان ءارى كەرى قايتارۋ سالدارىمەن بايلانىستى ەكەنىن ءبارىمىز بىلەمىز.

سيفرلىق تەڭگە قۇرال رەتىندە «؛اقشانى بوياۋ»؛ ينستيتۋتىن ىسكە اسىرۋعا سەپتىگىن تيگىزەدى. سيفرلىق تەڭگەنىڭ الگوريتمدەرى بولعاندىقتان, ءوزىنىڭ ىزدەرى بار. مىسالى, قاراجات جالاقىعا بولىنسە, باسقا باعىتقا كەتپەي, ەڭبەكاقى, تاۋارلار مەن قىزمەتتەردى ساتىپ الۋ جانە سالىق تولەۋ بويىنشا يگەرىلەدى.

بولىنگەن قارجى قوزعالىسىنىڭ راسىمدەرى اشىق بولىپ, بارلىق اۋدارىم ءوز ماقساتىنا جەتىپ, ءار تەڭگە كوزدەلگەن ماقساتىنا جۇمسالۋى ءتيىس" دەدى انتيكور باسشىسى.