نازارباەۆ قازاقتى جەك كورەدى – ءۋاليحان قايساروۆ

نازارباەۆ ەشقانداي دا دارا تۇلعا ەمەس. ول قۋلىقپەن, الداۋمەن, جىلپوستىقپەن بيلىككە جەتىپ العان قاراپايىم قۋ پەندە.

قازاقستاننىڭ تاعدىرى ونسىز دا قايعىلى. ءبىراق ەگەراكي عايىپتان نازارباەۆ ءسسسر-دى باسقارعان بولسا, قازاقستاننىڭ تاعدىرى قازىرگىدەن دە قيىن بولار ەدى. ول قازاقتىڭ ءبارىن سوۆەت وداعىنىڭ قۇرباندىعىنا شالا سالار ەدى. ويتكەنى نازارباەۆ عۇمىر بويى باسقا ۇلتتاردىڭ الدىندا جاقسى اتانۋ ءۇشىن قازاقتاردى جەر قىلىپ كەلدى. ورىس وكپەلەمەسىن, نەمىس رەنجىمەسىن, ۋكرايندەر, باسقالار بولسىن, باسقاشا ءتۇسىنىپ قالماسىن دەپ قازاقتىڭ مۇددەلەرىن ساتىپ جىبەرەدى ول. 30-شى جىلدارداعى گولوششەكيننەن اسىپ تۇسەر ەدى. ول قازاقستانداعى قازاقتان باسقا ۇلتتىڭ ءبارىنىڭ قامىن كۇيتتەۋمەن اينالىستى. قازاق ول ءۇشىن قۇنسىز. باسقا ۇلتتار قۇندى. ءسسسر-دى نازارباەۆ باسقارعاندا, قازاق قۇرىپ كەتەر ەدى, جەر بەتىندەگى ەڭ باقىتسىز حالىققا اينالىپ كەتەر ەدى. نازارباەۆ ماسكەۋگە بارا الماي, قايتا قۇداي ساقتادى ءبىزدى, ءسسسر-دىڭ ىدىراپ, قۇلاعانى ساقتادى ءبىزدى.

نازارباەۆتىڭ سوڭعى كىتابىن قولىما ۇستاپ, اۋدارىپ-توڭكەردىم دە, ساتىپ العان جوقپىن. مەن ونداي اقىماق, لوح ەمەسپىن عوي. وتىز جىل ونىڭ ايتقان وتىرىگىن ەستىپ كەلىپ, ەندى جازعان وتىرىگىن وقۋىم قالىپتى. ادال ەڭبەكپەن تاپقان اقشامدى ەندى سونىڭ گونورارىنا تولەۋىم كەرەك پە؟ نازارباەۆ ولسە دە شىندىقتى ايتپايدى, ونىڭ كىتابىن تەگىن بەرسە دە المايمىن. مەن ء94-شى جىلدان بەرى وپپوزيسيادامىن, باسقا-باسقا, نازارباەۆتى تىم جاقسى بىلەمىن.

86-نىڭ جەلتوقسانىندا نازارباەۆ "اسكەر اكەلىڭىز" دەپ گورباچەۆقا قويار دا قويماي قايتا-قايتا قوڭىراۋ شالدى. ول قويماي قويعان سوڭ گورباچەۆ امالسىز اسكەر جىبەرۋگە بۇيرىق بەرگەن. وداق ەلدەرىنەن قىزىل اسكەردىڭ كەلۋى بەيبىت جاستاردى ارانداتۋعا سەبەپ بولدى.

نازارباەۆتىڭ ماڭايىنداعى وليگارحتاردىڭ اراسىندا قازاق بار ما؟ جوق! شەتىنەن يندۋس, كارىس, ورىس, وزبەك, ەۆرەي... قازاقتىڭ ءومىرىن قۇرتۋ دەگەن اسىل ماقساتىنا ءتۇبى جەتتى ول.

نازارباەۆ سونشا سۇمىراي بولعاندىقتان حالىق قوناەۆتى قاتتى جاقسى كورەدى. نازارباەۆتى قوناەۆپەن ەمەس, جۇمابەك تاشەنوۆپەن سالىستىرۋ كەرەك. تاشەنوۆ دەگەن تاۋ تۇلعا. قوناەۆتىڭ تۇسىندا قازاق مەكتەپتەرى جابىلدى, قازاق ءتىلى دامىمادى. اۋىل شارۋاشىلىعىنىڭ كىرىسىنەن شىعىنى كوپ بولدى. ءبىراق قالاي دەگەندە دە نازارباەۆ بيلىككە كەلمەي تۇرعان كەزىمىز جاقسى بولدى. قوناەۆ ۇرلاعان جوق, ادامداردى مازاق قىلعان جوق.

ەشبىر پرەزيدەنت ۇرلىقپەن اينالىسپاۋى كەرەك. مىسالى, ءوز اقشامىزدى بەرگەنى ءۇشىن ءبىز بانكوماتتىڭ الدىندا باس يمەيمىز عوي, پرەزيدەنت تە, بانكومات تا بار-جوعى ءوز فۋنكسياسىن اتقارادى. ءبىراق نازارباەۆ ءبىزدى ومىردە ادال مەملەكەتتىك قىزمەتكەر بولادى دەگەنگە سەنبەيتىندەي ەتىپ تاستادى.

بۇل &ndash؛ قازاق ساياساتكەرى ءۋاليحان قايساروۆتىڭ ايتقانى. ؛
(youtube-تەگى "مۇمكىن ەمەس" ارناسىندا سويلەگەن جارتى ساعاتتىق سوزىندە ول وسىلاي دەپتى)