اگروونەركاسىپتىك كەشەندى ۇدەدەن شىعارا الدىق پا؟

قازاقستان رەسپۋبليكاسىنىڭ اگروونەركاسىپتىك كەشەنىن دامىتۋ جونىندەگى 2021 &ndash؛ 2025 جىلدارعا ارنالعان ۇلتتىق جوبانىڭ اياقتالۋىنا نەبارى ءبىر جىل قالدى. بۇل جوبانىڭ مىندەتتەرىنە توقتالساق, ەلىمىزدىڭ اۋىل شارۋاشىلىعىن گۇلدەندىرىپ, كورشىلەرىمىزدەن وق بويى وزىق تۇرۋعا ءتيىس ەدىك. بۇعان باس-اياعى 4 100 ملرد تەڭگە بولىنگەن. ساراپشىلار بۇل جوبانىڭ ىسكە اسىرۋ بارىسىندا ءتۇرلى قيىندىقتار بولعانىن ايتادى. ىشكى جانە سىرتقى فاكتورلار &ndash؛ نەگىزگى سەبەپ.

ۇلتتىق جوبا يگى ماقساتتاردى كوزدەيدى. اتاپ ايتساق, ولار &ndash؛ ەڭبەك ونىمدىلىگىن ەكى جارىم ەسە ارتتىرۋ, اوك ءونىمىنىڭ ەكسپورتىن ەكى ەسە ۇلعايتۋ جانە وتاندىق ءوندىرىستىڭ الەۋمەتتىك ماڭىزى بار ازىق-تۇلىك تاۋارلارىمەن قامتاماسىز ەتۋ ارقىلى باسەكەگە قابىلەتتى اگروونەركاسىپتىك كەشەن قۇرۋ. سونىمەن قاتار, اۋىل شارۋاشىلىعىندا جۇمىس ىستەيتىن ءبىر ادامعا ەڭبەك ونىمدىلىگىن 6,2 ملن تەڭگەگە دەيىن ۇلعايتۋدى, وڭدەلگەن ءونىم ۇلەسىن 70 %-عا دەيىن جەتكىزە وتىرىپ, اگروونەركاسىپتىك كەشەن ونىمدەرىنىڭ ەكسپورتىن 6,6 ملرد اقش دوللارىنا دەيىن ۇلعايتۋدى كوزدەيدى. اۋىل شارۋاشىلىعى قىزمەتكەرلەرىنىڭ جالاقىسىن 2019 جىلعى 115,4 مىڭ تەڭگەدەن 2025 جىلى 230,8 مىڭ تەڭگەگە دەيىن ارتتىرۋ قاراستىرىلعان.

اۋىلدىڭ شىرايىن كىرگىزىپ, كەم دەگەندە 1 ميلليون اۋىل حالقىنىڭ تابىسىن ۇلعايتىپ, ەكوجۇيەلەرگە 350 مىڭ فەرمەرلىك جانە ءۇي شارۋاشىلىعى تارتىلۋى ءتيىس. اۋىل شارۋاشىلىعىندا 500 مىڭعا دەيىن ادامدى جۇمىسپەن قامتىپ, ىشكى سۇرانىستى الەۋمەتتىك ماڭىزى بار ازىق-تۇلىك تاۋارلارىمەن 80 پايىز قامتاماسىز ەتۋ كەرەك-تى.

جالپى رەسپۋبليكا بويىنشا بەس جىل ىشىندە 4,5 ترلن تەڭگە سوماعا 845 ينۆەستيسيالىق جوبانى ىسكە اسىرۋ كوزدەلگەن. ونىڭ شەڭبەرىندە ءداندى جانە مايلى داقىلداردى, جەمىستەر مەن كوكونىستەردى, قانتتى, ەت پەن ءسۇتتى ءوندىرۋ جانە وڭدەۋ بويىنشا ەكوجۇيەنى قۇرۋ جونىندەگى ينۆەستيسيالىق جوبالاردى ىسكە اسىرۋ جوسپارلانعان.

ارينە, اتقارىلعان شارۋا از ەمەس. ەگىستىكتەردىڭ كولەمى ارتىپ, وسى جوبا اياسىندا تالاي شارۋا مەن ديحان جەڭىلدىكتەر الدى. جانار-جاعار مايدان تاپشىلىق كورمەدى. مينەرالدى تىڭايتقىشتارمەن دەر كەزىندە قامتىلدى. توزىعى جەتكەن القاپتار تىڭايتىلدى. «؛سيفرلىق قازاقستان»؛ مەملەكەتتىك باعدارلاماسىن ىسكە اسىرۋ شەڭبەرىندە القاپتاردى سيفرلاندىرۋ جۇمىستارى جالعاستىرىلىپ, جايىلىم جانە شابىندىق القاپتارىنىڭ ەلەكتروندىق كارتالارى راسىمدەلىپ جاتىر. مال شارۋاشىلىعىندا دا زاماناۋي وزگەرىستەر جاسالدى.

دەسە دە, جوبادا كورسەتىلگەن ماقساتتاردىڭ ءبىرازىنا جەتە العان جوقپىز. ونىڭ وبەكتيۆتى جانە سۋبەكتيۆتى سەبەپتەرى دە بار. سونىڭ ءبىرى &ndash؛ جوبانىڭ و باستا كەم-كەتىكتىگىنىڭ بولۋى.

 ؛«؛ۇلتتىق جوبالاردىڭ بارىنە قاتىستى ءبىر نارسەنى اشىپ ايتۋ كەرەك. بۇل جوبالاردىڭ ءبارى قاڭتار وقيعاسىنا دەيىن جاسالدى. ونىڭ ءبارىن قايتا سۇزگىدەن وتكىزىپ, قايتا قاراستىرۋ كەرەك دەگەن پىكىرىمدى ءجيى ايتىپ ءجۇرمىن. «؛كوپ سىن ايتىلسا دا, قايتا جاساۋعا بولمايدى. قول قويىلىپ قويعان»؛, &ndash؛ دەگەندەي جاۋاپ ەستىدىك»؛, &ndash؛ دەيدى ەكونوميست ماقسات حالىق.

ونىڭ سوزىنە سەنسەك, ۇلتتىق جوبالاردىڭ بارىندە رەتتىلىك جوق. مۇنى ۇلتتىق ەكونوميكا ءمينيسترىنىڭ ءوزى وزگەرىس كەرەك ەكەنىن مويىنداپ وتىر. مەجەلەر, ناقتى ينديكاترلار قويىلادى, ءبىراق ناقتى جۇزەگە اسپايدى.

سونىمەن قاتار, الەمدەگى تۇراقسىزدىقتىڭ دە اسەرى تيگەن. ؛

«؛گەوساياسي سىلكىنىستەر دە قول بايلاۋ. دەسە دە بۇل بىزگە كوپ مۇمكىندىك اشىپ بەرىپ وتىر. ونى ءوز دەڭگەيىندە پايدالانا الماي وتىرمىز. الەمدەگى جاعداي كۇرت وزگەرىپ جاتىر. تاياۋ شىعىستاعى احۋالدىڭ دا الەمدىك ەكونوميكاعا ىقپالى بار. الەمدىك داعدارىسقا ۇرىندىرۋى ىقتيمال. بىزدە ۇزاق مەرزىمدى باعدارلامالاردان بولەك, الدىن الا بولجام جاساپ, وسىنداي وزگەرىستەرگە, تۇراقسىزدىقتارعا جىلدام رەاكسيا كورسەتە الاتىن ؛ تاۋەكەلدەردى باسقارۋ كەڭەسى كەرەك»؛, &ndash؛ دەيدى ەكونوميست. ؛