امەريكالىق ساردار تارازداعى اتا-اناسى ماحانوۆتاردى ىزدەيدى

امەريكالىق وتباسى اسىراپ العان تارازدىق ساردار بەكنۇرۇلى 3 جىلدان بەرى تۋعان اتا-اناسىن ىزدەپ ءجۇر. 1999 جىلى تۋعان سارداردى ءبىر جىلدان كەيىن امەريكالىق وتباسى ؛ بريۋس پەن سيۋزان اسىراپ الىپ, يۋتا شتاتىنا كوشەدى. ولار تاراز قالاسىنان تەك سارداردى عانا ەمەس تاعى دا 2 قىزدى اسىراپ العان. ءقازىر سارداردىڭ 9 باۋىرى بار. اسىراپ العان اتا-انا ونىڭ اتىن وزگەرتپەگەن. تەگى وزگەرىسكە ۇشىراعان ساردار ەندى شىققان تەگىن بىلسەم, اتا-اناسىن تانىسام دەيدى. ؛

qamshy.kz اقپارات اگەنتتىگىنىڭ ءتىلشىسى پول ساردار باپكوكپەن سويلەسىپ, قازىرگى وتباسى, قازاقستانعا ساپارى جانە اتا-اناسىن ىزدەۋگە نە سەبەپ بولعانىن سۇراپ كوردى. ؛

ساردار قازىرگى وتباسىڭ تۋرالى, ؛ ءوزىڭ تۋرالى ايتىپ بەرسەڭ؟ ؛

مەنىڭ 9 باۋىرىم بار. مەنى تاربيەلەپ, وسىرگەن اتا-انام ؛&ndash؛ امەريكالىق. اكەمنىڭ اتى بريۋس, انامنىڭ اتى سيۋزان. مەنى وتە جاقسى وتباسى اسىراپ الدى. ولار 5 بالانى دۇنيەگە اكەلسە دە, تاعى 5 بالا اسىراپ العان. 2 اپكەم ؛&ndash؛ قازاقستاندىق, 2 اعام ؛&ndash؛ تايۆاندا ءتۋعان.

قازىر يۋتا شتاتىنداعى ۋنيۆەرسيتەتتە حالىقارالىق قاتىناستار مەن ساياسي عىلىم ماماندىعى بويىنشا ءبىلىم الىپ جاتىرمىن. سپورت پەن مۋزىكاعا قاتتى قىزىعامىن. ۆولەيبول مەن باسكەتبول وينايمىن. سونداي-اق پيانينو, بارابان, سكريپكادا ويناي الامىن. ؛

امەريكالىق وتباسىڭنىڭ اسىراپ العانىن قاشان ءبىلدىڭ؟

بۇل تۋرالى كىشكەنتاي كەزىمدە ءبىلدىم. سەبەبى اتا-انام بارلىق جاعدايدى ەرتە جاستان ءتۇسىندىرىپ, ايتىپ بەردى. ارينە ءوزىمنىڭ ءتۇر-سيپاتىم امەريكالىقتارعا ۇقسامايتىن. سول سەبەپتى شىندىقتى ەرتە مە كەش پە بىلەتىن ەدىم. شامامەن 3-4 جاسىمدا امەريكالىق وتباسىمنىڭ اسىراپ العانىن ءبىلدىم. ؛

بيولوگيالىق اتا-اناڭدى ىزدەۋىڭە نە سەبەپ بولدى؟ امەريكاداعى قازىرگى اتا-اناڭ قالاي قابىلدادى؟ قارسى بولمادى ما؟

مەن سەكىلدى اسىراندى بالالار ءوزىنىڭ تەگى تۋرالى كوپ ويلانادى. قايدا دۇنيەگە كەلدىم, اتا-انام كىم دەگەن سەكىلدى سۇراقتار ۇنەمى مازالايدى. وسىنداي جاۋاپسىز سۇراقتار ماعان موتيۆاسيا بولدى. مەنى تاربيەلەپ, وسىرگەن قازىرگى اتا-انام دا كەرەمەت جاندار. الايدا مەن ءۇشىن جۇمباق بولىپ قالعان ءوزىمنىڭ ءبىر بولشەگىمدى, ياعني, اتا-انامدى كورگىم, تانىسقىم كەلەدى. تۋعان اتا-انامدى تاپقاندا عانا ءوزىمنىڭ كىم ەكەنىمدى از دا بولسا ءتۇسىنىپ, ومىرىمە ءمان كىرەتىن سەكىلدى. ارينە, امەريكالىق وتباسىم مەنى تولىقتاي قولدادى. ولار ماعان "سەن قازاقتىڭ قۇسىسىڭ. ۇشىپ كەلگەن جەرىڭ تۋرالى بىلۋگە قۇقىلىسىڭ. ءبىز قولدان كەلگەنشە كومەكتەسەمىز", دەدى. ؛

2020 جىلدان باستاپ اتا-انامدى ىزدەپ ءجۇرمىن. قازىرگى اكە-شەشەم تۋۋ تۋرالى كۋالىگىمدى, اسىراپ العانى جونىندە قۇجاتتاردى بەردى. وزىمە قاتىستى بارلىق قۇجاتتاردى قاراپ شىقتىم. قۇجاتتاردى قازاقستاندىق جۋرناليستەرگە, ماعان كومەكتەسكىسى كەلگەن ۇيىمدارعا كورسەتتىم. ؛

تۋعان انامنىڭ ەسىمى بايماحانوۆا ەلميرا قالماحانبەتقىزى, ال اكەمنىڭ ءاتى-جونى بايماحانوۆ بەكنۇر. ولاردى تابامىن دەپ ۇمىتتەنەمىن. تۋعان اكە-شەشەممەن تانىسىپ, ءوز وقيعامدى تولىق بىلگىم كەلەدى. ولاردى تۇسىنگىم كەلەدى. ؛

ەگەر اتا-اناڭ تابىلسا قازاقستانعا كوشىپ كەلۋ ويىڭدا بار ما؟ ؛

قازاقستانداعى وتباسىممەن قاۋىشسام, كوشىپ كەلىپ, ءومىر بويى قازاقستاندا تۇرامىن دەپ ايتا المايمىن. كوپ نارسەنى ۇيرەنگىم, بىلگىم كەلەدى. مادەنيەتىمەن تانىسقىم كەلەدى. ارينە, قازاقستاندا ءومىر سۇرسەم دە كەرەمەت بولار ەدى. ازىرگە, ول جاعىن ويلامادىم...

قازاقستانعا اتا-اناڭدى ىزدەۋ ءۇشىن كەلىپسىڭ. ؛ قانداي سەزىمدە بولدىڭ؟ قازاقشا ۇيرەنۋ ويىڭدا بار ءما؟

يا, مامىر ايىندا 3 اپتاداي قازاقستاندا بولدىم. بۇل مەن ءۇشىن عاجاپ ساپار بولدى. كوپ تاجىريبە جينادىم. ۇشاق قونعاننان كەيىن اەروپورتتان قازاقتاردى كوردىم. بۇل قانداي سەزىم ەكەنىن بىلەسىڭ بە؟ امەريكادا قازاقتار از بولعان سوڭ مۇنداي سەزىمدى باستان وتكەرمەدىم. سەبەبى وزىمە ۇقساس ادامدار از بولدى. بۇل سەزىمدى سوزبەن جەتكىزۋ مۇمكىن ەمەس. عاجاپ! قالالاردى ارالاپ, سەرۋەندەگەن قاتتى ۇنادى. الماتى, تاراز, پاۆلودار جانە استانا قالاسىنا باردىم. ءتۇرلى تاعامداردىڭ ءدامىن تاتىپ كوردىم. قازاقستان تۋرالى كوپ مالىمەت ءبىلدىم. ؛

قازاقستانعا ۋاقىتشا كوشىپ, قازاق تىلىندە ەركىن سويلەۋدى ۇيرەنگىم كەلەدى. جاڭا ءتىل ۇيرەنگەنگە قۇمارمىن. قازاق تىلىندە ەركىن سويلەپ كەتسەم, جاقسى بولار ەدى. ؛