فوتو: اشىق دەرەككوز
قازاقستاندىق بوكسشى بەيبىت شۇمەنوۆ وزىنە قاتىستى داۋلى جاعدايعا قاتىستى تۇسىنىكتەمە بەردى. بۇل تۋرالى سپورتشى ءوزىنىڭ instagram پاراقشاسىندا جازدى. ؛
"جاعىمسىز جاعداي ورىن العانىن بىلەمىن. ءبىراق الەۋمەتتىك جەلىدە تاراعان ۆيدەو مەنى جاعىمسىز تۇردە كورسەتكەن. وقيعانىڭ ءمان-جايىن بىلمەي وقىرماندار مەنىڭ تاراپىما تەرىس پىكىرلەر جازىپ, بالاعاتتاپ جاتىر ەكەن. قازىرگى زاماناۋي تەحنيكالار بار كەزدە وقيعانى باسقا جاعىنان كورسەتۋ وڭاي ەكەنىن ءبارىمىز بىلەمىز. ءوزىنىڭ ارەكەتىن دۇرىس ەتىپ كورسەتىپ, وقيعانى بۇرمالاۋ ءۇشىن ۆيدەو قيىلىپ, جەلىگە تاراتىلعان", دەپ جازدى سپورتشى. ؛
كەيىن بوكسشى جانجالدىڭ نە سەبەپتى تۋىنداعانىن ءتۇسىندىردى. ونىڭ سوزىنشە, داۋ بالالار اراسىنداعى كەلىسپەۋشىلىكتەن باستالعان. ؛
"8 جاستاعى بالام ءوزىن تانىمايتىن بالانىڭ ۇرعانىن ايتىپ ماعان شاعىمداندى. كەيىن اكەسىنە بولعان جاعدايدى ايتىپ, "بالامدى ۇرعان سەنىڭ ۇلىڭ با؟" دەپ سۇرادىم. ول بولسا اشۋلى تۇردە ء"يا نە ىستەي الاسىڭ؟" دەپ جاۋاپ قاتتى. ونىڭ اگرەسسيۆتى جاۋابىنا قاتتى تاڭعالدىم. مەن وتباسىممەن بىرگە دەمالىپ, جاقسى ۋاقىت وتكىزۋ ءۇشىن كەلگەن ەدىم", دەيدى بەيبىت شۇمەنوۆ. ؛
العاشىندا بوكسشى ەسكەرتۋ جاساعان. ؛
"جەلكەسىنەن ۇستاپ: قالاي-قالاي سويلەسىپ تۇرسىڭ دەدىم. الايدا ول قولىنا ۇستەل ۇستىنەن زات الىپ, ماعان شابۋىل جاساۋعا تىرىستى. قولىنا العان زاتى پىشاق ەمەس ەكەنىن بايقاعان سوڭ بالاسىن ورىندىققا وتىرعىزدى. ول ءوز بالاسىن قالقان رەتىندە قولداندى. اشۋلى كۇيىندە قولىنا پىشاق الىپ قايتا شابۋىلدادى. ول ماعان پىشاقپەن شابۋىلداعان سوڭ اشۋعا ءمىندىم. مەن ەندى ءوز بالامدى عانا ەمەس, ءوزىمدى دە قورعاۋىم قاجەت ەدى. ۆيدەودان بايقاساڭىزدار مەن ەر ازاماتتى ديۆان جاققا قاراي يتەردىم. بالاسىن قولىنان تاستاۋى ءۇشىن وسىلاي ىستەدىم. ال كاسىبي بوكسشى رەتىندە ءوزىمنىڭ قايدا سوققى جاسايتىنىمدى جاقسى بىلەمىن. سول سەبەپتى بالاعا قولىمنىڭ ۇشى دا تيمەدى", دەپ جازدى ول. ؛
سونداي-اق بوكسشى ءوزىنىڭ بالاسىن ۇرعان بالانىڭ اۋتيزممەن اۋىراتىنىن ايتتى. بالانىڭ اناسى بوكسشى مەن ونىڭ ايەلىنەن كەشىرىم سۇراعان. ؛
"اۋداندىق بولىمگە بارعان كەزدە بالالار ەشتەڭە بولماعانداي ويىن وينادى. ال اناسى مەنەن جانە ايەلىمنەن كەشىرىم سۇرادى. كىشكەنتاي بالا ەش سەبەپسىز باسقالارعا قول جۇمساپ, ۇرىپ-تەبەدى ەكەن. مۇنى ەستىپ قاتتى وكىندىم. اناسىنا سابىر تىلەپ, تەزىرەك جازىلىپ كەتۋىن تىلەدىم", دەيدى بەيبىت شۇمەنوۆ. ؛
ونىڭ ايتۋىنشا, ەر ادام اسا زارداپ شەككەن جوق.
"سوت ساراپتاماسى ونىڭ دەنە جاراقاتتارىنىڭ سالدارىنان دەنساۋلىعىنا جەڭىل دە, ورتاشا دا زيان تيمەگەنىن راستادى جانە انىقتادى. ەر ادامنىڭ قولىندا بولعان بالادان كەشىرىم سۇراعىم كەلەدى جانە بالا وسى جاعىمسىز كورىنىستىڭ كۋاسى بولعانىنا وكىنەمىن. قازىرگى ۋاقىتتا جانجال تولىعىمەن اياقتالدى. مەنى جامانداعىسى كەلەتىن بارلىق ادامدارعا ايتارىم &ndash؛ ؛مەن قارا بولسىن, اق بولسىن, پيارعا قىزىقپايمىن جانە لاس ينتريگالارعا قاتىسقىم كەلمەيدى", &ndash؛ ؛دەدى شۇمەنوۆ.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر