«قۇپيا توي»: قازاقتىڭ 140 بايى باس قوستى (ۆيدەو)

الماتىنىڭ تورىندە ەلىمىزدىڭ ەڭ بەلدى كاسىپكەرلەرى باس قوستى, دەپ حابارلايدى qamshy.kz اقپارات اگەنتتىگى.

شارانىڭ ءوتۋى تەگىننەن ەمەس. ماقسات &ndash؛ ءتۇرلى سالادا كاسىپتىڭ تاسىن دومالاتىپ جۇرگەن ازاماتتاردى بىرىكتىرۋ, وزىنشە بيزنەس-ورتا ۇيىمداستىرۋ.

«؛بۇگىن اللانىڭ قالاۋىمەن ەلىمىزدەگى ءار قالاداعى كاسىپكەرلەردىڭ باسىن قوسىپ, داستارحان جايدىق. بىرەۋدىڭ ساتاتىن زاتى بار, بىرەۋدىڭ زاۋىتى بار. ءار-قايسىسى ءبىر-بىرىن تانىپ, سوۆەت ۇكىمەتىندە كووپەراتيۆ بولدى عوي, سول سياقتى, بىرىگىپ جۇمىس ىستەسە, ءبىز وسە الامىز. سول ءۇشىن ءبىزدىڭ ماقسات ولاردى بىر-بىرىمەن تانىستىرۋ»؛, &ndash؛ دەيدى كاسىپكەر باحتيار وسەربەكۇلى.

ايتۋلى شاراعا 100 ءتۇرلى سالانىڭ باسىن ۇستاعان 140-تاي كاسىپكەر كەلگەن. ءاربىرى - 300-دەي ادامعا جۇمىس بەرۋشى. بۇگىندە ولار قازاقستاننىڭ عانا ەمەس, تمد نارىعىن تۇگەل قامتىپ وتىر. ياعني, ءوز ءىسىنىڭ وزىقتارى.

«؛مەن بيزنەس-تۋر ۇيىمداستىرىپ جۇرگەندىكتەن ءقازىر جاڭا مۇمكىندىكتەر ىزدەيمىن. مىسالى, تاعى كىمدەردى اپارسام بولادى, ولاردى قالاي بىرىكتىرسەم بولادى دەگەن سەكىلدى. بۇل جەرگە كەلگەن ءار ادام, ءوزىنىڭ ىزدەگەنىن تابادى دەپ ويلايمىن. قازاقتا كوپ ماسەلەلەر ءشاي ۇستىندە, ادال استىڭ ۇستىندە شەشىلەدى عوي. سوندىقتان كاسىپكەرلەردىڭ وسىلاي ءبىر ورتاعا جينالعانى, مەنى قۋانتىپ وتىر. ويتكەنى بۇرىن الىپساتار, كوممەرسانت دەپ باستارى بىرىكپەدى نەمەسە ولاردى بىرىكتىرمەگەندەر بولدى. ال ءقازىر مىنە كاسىپكەرلەر وسىنداي ورتا قۇرىپ جاتقاندارىنا مەن ريزامىن»؛, &ndash؛ دەپ قوستى كاسىپكەر وركەن قوجاحمەت.

بۇل بيزنەس ورتاعا قوسىلۋدىڭ وزىندىك تالاپتارى بار. باستىسى &ndash؛ ادال بيزنەس جۇرگىزۋ, دەيدى يگىلەردىڭ باسىن قوسقان كاسىپكەر اسەت جۇماقۇلوۆ.

«؛بۇنداي يۆەنتتەر بىزدە جىلىنا 4-5 رەت وتەدى. جينالعان ادام سانى 150 مەن ء350-دىڭ اراسى. ەركىن فورماتتا, ەشقانداي ماسكاسىز, بارلىعى قاراپايىم. ءبىزدىڭ تالاپ ول ادامنىڭ بيزنەسى تازا بولۋ كەرەك. حالال دەيدى عوي. ەكىنشىسى, بىرەۋگە جاماندىق جاساماعان بولۋى ءتيىس. ءۇشىنشىسى, جۇمىسشىلارىنىڭ قامىن ويلايتىن ادام بولۋ كەرەك. ءتورتىنشىسى, ءبىز ونىڭ قانداي ارىپتەستىك قارىم-قاتىناستا بولعانىن سۇراستىرىپ بىلەمىز. سوسىن ءبىزدىڭ ورتامىزعا قوسىلۋ ءۇشىن ونىڭ تابىسى ايىنا 10 ملن. بولۋى كەرەك»؛, &ndash؛ دەپ ءتۇسىندىردى ول.

بۇل &ndash؛ دوستىق تويى, كاسىپكەرلىك ورتا قالىپتاستىرعان قازاق جىگىتتەرىنىڭ قاۋىمداستىعى, باۋىرلاستىق ورتا. تاجىريبە الماسىپ, بىر-بىرىنە دەمەۋ بەرۋ, بيزنەس ورتانى كەڭەيتۋ. ەلى ءۇشىن ەڭبەك ەتىپ جۇرگەن جۇرەكتى جىگىتتەردىڭ باسىن قوسقان يگى شارا الداعى ۋاقىتتا جالعاسىن تابا بەرمەك.