اقتاۋداعى شاقىرتۋلارعا تاعى ءۇش بريگيدا شىعارىلدى

اقتاۋداعى شاقىرتۋلارعا تاعى ءۇش بريگيدا شىعارىلدى.

بۇل تۋرالى وڭىرلىك قوعامدىق كوممۋنيكاسيالار ورتالىعىندا وتكەن بريفينگتە ماڭعىستاۋ وبلىستىق جەدەل جانە شۇعىل مەديسينالىق جاردەم ستانسياسى ديرەكتورىنىڭ مىندەتىن اتقارۋشى ايلاربەك شىرشىقباەۆ مالىمدەدى.

-«؛بۇرىن كۇنىنە 480-500 كۇنىنە شاقىرتۋ تۇسەتىن بولسا, ءبىر مىڭداي ادام جەدەل-جاردەمگە حابارلاسادى. وبلىس بويىنشا 45 بريگادا شىعىپ وتىر. ونىڭ ء15-ى اقتاۋ قالاسىندا. تۇرعىندار تاراپىنان شاقىرتۋلاردىڭ 2-3 ساعاتقا دەيىن كەشىگۋىنە قاتىستى شاعىمدار كەلىپ تۇسۋدە. مۇنىڭ ەكى سەبەبى بار. ءبىرىنىشىسى, ءقازىر كوروناۆيرۋس ينفەكسياسىنىڭ كوبەيۋىنە بايلانىستى الگى دەرتتىڭ بەلگىلەرى بار نەمەسە جوق تۇرىنە شالدىقتىم دەپ كوپتەگەن تۇرعىندار ويلايدى. وسى رەتتە شاقىرتۋلار دا كۇرت كوبەيىپ وتىر. 38-40 گرادۋسقا دەنە قىزۋى جوعارىلاپ, ەنتىگۋى بار, ءبىراق زەرتحانالىق ساراپتامالارى بەلگىسىز ادامداردى پروۆيزورلىق بولىمشەگە الىپ كەلگەندە كەپتەلىس پايدا بولۋدا. ويتكەنى, ءار ناۋقاستى قابىلداۋ, ونىڭ انكەتاسىن جازۋ 30-45 مينۋت ۋاقىت الادى. كەشەگى ءتۇننىڭ وزىندە اقتاۋدا جەدەل-جاردەم كولىكتەرىنە 90 شاقىرتۋعا كەشىگىپ باردى»؛ - دەيدى ايلاربەك ەلتايۇلى.

بۇعان سەبەپ - پروۆيزورلىق بولىمشەدە ورىن بولماۋىندا. وسىعان بايلانىستى 2-3 بريگادا ناۋقاستاردى قابىلداۋىن كۇتىپ, بولىمشە الدىندا تۇرىپ قالعان.

ەكىنشى جاعدايعا كوروناۆيرۋسقا شالدىققان ادامدى اۋرۋحاعا جەتكىزۋدەن سوڭ ءاربىر جەدەل-جاردەم كولىگى مىندەتتى تۇردە دەزينفەكسيالاۋ, تازالاۋدان وتەدى. بۇل رەتتە دە كەمى ءبىر ساعاتتاي ۋاقىت قاجەت.

وسىنى ەسكەرگەن وبلىستىق ستانسيا باسشىلىعى بۇگىننەن باستاپ تاعى ءۇش بريگادانى شاقىرتۋ تۇسكەن جەرلەرگە جىبەرۋگە شەشىم قابىلداپ وتىر. ەندىگى كەزەكتە اقتاۋ قالاسىندا بۇرىنعىداي 15 ەمەس, 18 جەدەل-جاردەم بريگاداسى كەزەككە شىعارىلادى.

-«؛اكىمشىلىككە ۇلكەن راحمەت. بىزگە ۇلكەن حايس كولىگىن بەرىپ وتىر. ەندىگى كەزەكتە بارلىق سانيتارلىق تالاپتاردى ساقتاي وتىرىپ, بريگادالاردى شاقىرتۋلارعا كەشىكتىرمەيمىز دەگەن ويدامىز. ءار كولىكتە فەلدشەر, دارىگەر جاگنە كولىك جۇرگىزۋشىدەن ەسەپتەگەندە, تاۋلىگىنە 150-دەي قىزمەتكەر وبلىس بويىنشا شاقىرتۋلارعا بارىپ جاتىر. اقتاۋداعى وبلىستىق ستانسيادا ديسپەچەرلىك قىزمەتىمىز بار. ول جەردە 12 ادام كۇندىز-تۇنى جۇمىس ىستەپ وتىر»؛ - دەيدى سپيكەر.